Miaso (Masamu) 11 - MUKANDA USANDU WA ZAMBI 1975

¹ Muli Yehova naswama; kuchi te nwakwamba mbunge yami ngwenu, Chinyina ku mulundu we ngwe kajila?

² Mumu yingulungulu kakunana mata jo, mu milima kakupachika mwivu mu lukusa hanga akáse mukwa kululama mu mbunge.

³ Muze mupuzula manguji, mukwa ululi kuchi malinga?

⁴ Yehova mwali mu tembele yenyi yisandu. Ngunja ya Yehova mwilu yili. Meso jenyi ni yindayizo yenyi kuyakutala, kuyakweseka ana ja atu.

⁵ Yehova kakweseka akwa ululi, alioze kakuvwila kole yingulungulu ni waze akuzanga upupilo.

⁶ Hali yingulungulu kumakanokesa ngwe vula makambwila, ni kahia, ni fundanga, ni kangonga ka kulalisa. Chocho muupwa musenge wo.

⁷ Yehova mukwa ululi kakuzanga ululi; meso jenyi kakutala mukwa ululi. Kuli Njimba mukwa lutwe. Ha Sheminite. Samu lia David.