Miaso (Masamu) 101 - MUKANDA USANDU WA ZAMBI 1975

Samu lia David.

¹ Kumungwimbila utu wa zango ni upatwilo. Kuli yena Yehova mungwimba uhaliso.

² Kumungulinga ni mana mu jila yingunu. Mwiji muka muwiza kuli yami? Kumungwenda mu zuwo liami ni mbunge yingunu.

³ Chichi kusa nichimwe chuma chipi kumeso jami. Chitanga cha waze akupianguka nakuchivwila lwaji, kuchichi kungulalaminya.

⁴ Mbunge ya kupiya muyikatuka kuli yami. Chichi kunyingika niumwe mutu mupi.

⁵ Mweswe malamikiza mukwo ku tenga mungunwonwona. Yoze uli ni meso a kulizata, ni mbunge ya kulengumuka chichi kumutayiza.

⁶ Meso jami matala kuli amwenemwene mu chifuchi hanga akatwame ni yami. Mweswe mendela mu jila yingunu iye manguvumbika.

⁷ Yoze malinga yuma ya kwonga kechi kutwama mu zuwo liami. Yoze mahanjika mahuza kechi kukola kumeso jami.

⁸ Tangwa ha tangwa ha chimenemene mungwonwona yingulungulu mu chifuchi, ngukatete akwa kulinga uhenge kwimbo lia Yehova.