Miaso (Masamu) 1 - MUKANDA USANDU WA ZAMBI 1975

MUKANDA I

¹ Kawaha mutu yoze keshi kwenda mu chiyulo cha yingulungulu, keshi kumana mu jila ya yivulumunyi, keshi kutwama mu chitwamo cha akwa kulenya.

² Alioze kuwahilila chenyi chili mu shimbi ja Yehova. Kakupukuna mu shimbi jenyi mwalwa ni ufuku.

³ Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

⁴ Yingulungulu keshi kupwa chocho. O kapwa ngwe yizungu yize yakuhehuka ni fuji.

⁵ Kashika yingulungulu keshi kumana mu upatwilo, chipwe yivulumunyi keshi kumana mu chikungulwila cha akwa ululi.

⁶ Mumu Yehova kananyingika jila ya mukwa ululi, alioze jila ya chingulungulu muyikatoka.