Malaki 4 - MUKANDA USANDU WA ZAMBI 1975

¹ Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

² Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

³ Kumunukaliata yingulungulu mumu mapwa ngwe uto mushi lia yiliato yenu ha tangwa lize mungukalinga. Chocho kanambe Yehova-wa-Tujita.

⁴ Iwulukenu shimbi ja kavumbi kami Mose; maliji ni yiyulo yize namutumine ku Horepe hali A-Izalele eswe.

⁵ Mungunutuma profeta Eliya shimbu tangwa lize linene lia mwongo lia Yehova kanda Uchiheta.

⁶ Kumakatalikisa mbunge ja atato kuli ana jo, ni mbunge ja ana kuli atato, kuchina mungwiza nikulamba chifuchi ni shingo.