Kwalula 26 - MUKANDA USANDU WA ZAMBI 1975

¹ Kulutwe lia chilungo, Yehova yamba kuli Mose ni kuli Eleazare, mwana wa sasendote Arone ngwenyi,

² Alulenu chikungulwila cheswe cha A-Izalele, chize kuli akwa makumi aali a miaka ndo kuli makulwana, ku minyachi ya tulamba two, eswe hakachi ka A-Izalele mahasa kuya ku jita.

³ Mose ni sasendote Eleazare yahanjika no mu yana ya Moape, ku sesa lia Yordau, ku Yeriku, ngwo,

⁴ Alulenu atu, chize kuli akwa makumi aali a miaka ndo kuli makulwana, chizechene ngwe Yehova wambile Mose ni A-Izalele muze akatukile ku chifuchi cha Engitu.

⁵ Rupene, kapulajimo wa Izalele; ana a malunga a Rupene: a kuli Hanoke, akwa munyachi wa A-Hanoke; a kuli Palu, akwa munyachi wa A-Palu;

⁶ a kuli Hezerone, akwa munyachi wa A-Hezerone; a kuli Kame, akwa munyachi wa A-Kame.

⁷ Wano akwa minyachi ya A-Rupene. A kwalula yapwa makumi awana a tununu ni tununu atatu ni kulakaji shimbiali ni makumi atatu.

⁸ Ana a malunga a Palu: Eliape.

⁹ Ana a malunga a Eliape: ni Nemule ni Ndatane ni Apirame. Ano apwile Ndatane ni Apirame aatambikile ku chikungulwila, alitachikile ni Mose ni Arone mu mbunga ya Kora muze alitachikile ni Yehova.

¹⁰ Hashi hapakwile kanwa liaho, yihaamina hamuwika ni Kora, muze mbunga yize afwile: tangwa lize kahia kamanwine kulakaji aali a malunga ni makumi atano. O hanapu chinyingi.

¹¹ Hindu ana a malunga a Kora o kafwileko.

¹² Ana a malunga a Simeone mu minyachi yo: a kuli Nemule, akwa munyachi wa A-Nemule; a kuli Yamine, akwa munyachi wa A-Yamine; a kuli Yakine, akwa munyachi wa A-Yakine;

¹³ a kuli Zera, akwa munyachi wa A-Zera; a kuli Shalo, akwa munyachi wa A-Shalo.

¹⁴ Wano akwa minyachi ya A-Simeone, makumi aali a tununu ni tununu aali ni kulakaji aali.

¹⁵ Ana a malunga a Ngate mu minyachi yo: a kuli Zefwone, akwa munyachi wa A-Zefwone; a kuli Hangi, akwa munyachi wa A-Hangi; a kuli Shuni, akwa munyachi wa A Shuni;

¹⁶ a kuli Ozeni, akwa munyachi wa A-Ozeni; a kuli Ire, akwa munyachi wa A-Ire;

¹⁷ a kuli Erote, akwa munyachi wa A-Erote; a kuli Arele, akwa munyachi wa A-Arele.

¹⁸ Wano e akwa minyachi ya ana a malunga a Ngate, nikulita ni atu a kwalula, makumi awana a tununu ni kulakaji atano.

¹⁹ Ana a malunga a Yunda, Ere ni Onane. Ere ni Onane afwile mu chifuchi cha Kanana.

²⁰ Ana a malunga a Yunda mu minyachi yo wano: a kuli Shela, akwa munyachi wa A-Shela; a kuli Pereze, akwa munyachi wa A-Pereze; a kuli Zera, akwa munyachi wa A-Zera.

²¹ Ana a malunga a Pereze wano: a kuli Hezerone, akwa munyachi wa A-Hezerone; a kuli Hamuli, akwa munyachi wa A-Hamuli.

²² Wano e akwa minyachi ya Yunda nikulita ni atu a kwalula, makumi shimbiali a tununu ni tununu asambano ni kulakaji atano.

²³ Ana a malunga a Isaka mu minyachi yo; a kuli Tola, akwa munyachi wa A-Tola; a kuli Puvwa, akwa munyachi wa A-Puvwa;

²⁴ a kuli Yasupe, akwa munyachi wa A-Yasupe; a kuli Shimerone, akwa munyachi wa A-Shimerone.

²⁵ Wano e akwa minyachi ya Isaka nikulita ni atu a kwalula, makumi asambano a tununu ni tununu awana ni kulakaji atatu.

²⁶ Ana a malunga a Zapulone mu minyachi yo: a kuli Serote, akwa munyachi wa A-Serote; a kuli Eione, akwa munyachi wa A-Elone; a kuli Yalile, akwa munyachi wa A-Yalile.

²⁷ Wano e akwa minyachi ya A-Zapulone nikulita ni atu a kwalula, makumi asambano a tununu ni kulakaji atano.

²⁸ Ana a malunga a José, mu minyachi yo: Manase ni Eframe.

²⁹ Ana a malunga a Manase: a kuli Makire, akwa munyachi wa A-Makire. Makire yasema Ngiliate. A kuli Ngiliate, akwa munyachi wa A-Ngiliate.

³⁰ Ana a malunga a Ngiliate wano: a kuli Jezere, akwa munyachi wa A-Jezere; a kuli Heleke, akwa munyachi wa A-Heleke;

³¹ a kuli Asariele, akwa munyachi wa A-Asariele; a kuli Shekeme, akwa munyachi wa A-Skekeme;

³² a kuli Shemida, akwa munyachi wa A-Shemida; a kuli Hefere, akwa munyachi wa A-Hefere.

³³ Zelofehade, mwana wa Hefere, kapwile ni ana a malunga, alioze ana a mapwo. Majina ja ana a mapwo ano, Mala, ni Noe, ni Hogala, ni Milika, ni Tiriza.

³⁴ Wano e akwa minyachi ya Manase; a kwalula a kuli ayo yapwa makumi atano a tununu ni tununu aali ni kulakaji shimbiali.

³⁵ Ana a malunga a Eframe, mu minyachi yo wano: a kuli Sutela, akwa munyachi wa A-Sutela; a kuli Mbechi, akwa munyachi wa A-Mbechi; a kuli Tahane, akwa munyachi wa A-Tahane.

³⁶ Ana a malunga a Sutela wano: a kuli Erane, akwa munyachi wa A Erane.

³⁷ Wano e akwa minyachi ya ana a malunga a Eframe nikulita ni atu a kwalula, makumi atatu a tununu ni tununu aali ni kulakaji atano. Wano e ana a malunga a José mu minyachi yo.

³⁸ Ana a malunga a Mbenjamine mu minyachi yo: a kuli Mbela, akwa munyachi wa A-Mbela; a kuli Asembele, akwa munyachi wa A-Asembele; a kuli Ahirame, akwa munyachi wa A-Ahirame;

³⁹ a kuli Sufame, akwa munyachi wa A-Sufame; a kuli Hufame, akwa munyachi wa A-Hufame.

⁴⁰ Ana a malunga a Mbela wano: Arande ni Naamane; a kuli Arande, akwa munyachi wa A-Arande; a kuli Naamane, akwa munyachi wa A-Naamane.

⁴¹ Wa no e ana a malunga a Mbenjamine mu minyachi yo; a kwalula yapwa makumi awana a tununu ni tununu atano ni kulakaji asambano.

⁴² Ana a malunga a Ndane, mu munyachi yo wano: a kuli Suhame, akwa minyachi wa A-Suhame. Wano e akwa minyachi ya Ndane mu minyachi yo.

⁴³ Akwa minyachi eswe a A-Suhame nikulita ni atu a kwalula yapwa makumi asambano a tununu ni tununu awana ni kulakaji awana.

⁴⁴ Ana a malunga a Ashe mu minyachi yo: a kuli Ima, akwa munyachi wa A-Ima; a kuli lshevwi, akwa munyachi wa A-Ishevwi; a kuli Mberia, akwa munyachi wa A-Mberia.

⁴⁵ A-na a malunga a Mberia wano: a kuli Hepere, akwa munyachi wa A-Hepere; a kuli Malikiele, akwa munyachi wa A-Malikiele.

⁴⁶ Jina lia mwana wa pwo wa Ashe, iye Sara.

⁴⁷ Wano e akwa minyachi ya ana a malunga a Ashe, nikulita ni atu a kwalula, makumi atano a tununu ni tununu atatu ni kulakaji awana.

⁴⁸ Ana a malunga a Napatali mu minyachi yo: a kuli Yozele, akwa munyachi wa A-Yozele; a kuli Nguni, akwa munyachi wa A-Nguni;

⁴⁹ a kuli Yeze, akwa munyachi wa A-Yeze; a kuli Shilemi, akwa munyachi wa A-Shilemi.

⁵⁰ Wano e akwa minyachi ya Napatali mu minyachi yo; a kwalula yapwa makumi awana a tununu ni tununu atano ni kulakaji awana.

⁵¹ Wano yapwa a kwalula a kuli A-Izalele, kulakaji asambano a tununu ni kanunu umuwika ni kulakaji shimbiali ni makumi atatu.

⁵² Yehova yamba kuli Mose ngwenyi,

⁵³ Akatetele wano chifuchi akachihinge nikulita ni kwalula cha majina jo.

⁵⁴ Ukahane kuli anji chihinga chinene, mba kuli akehe Ukahane chihinga chikepe. Kuli mutu mweswe nikulita ni atu a kwalula kuli iye, chikapwe chihinga chenyi.

⁵⁵ Hindu che chifuchi akatete nikulita ni chela; nikulita ni majina a minyachi ya tulamba two akachihinge.

⁵⁶ Nikulita ni chela akatete chihinga cho, hakachi ka e anji ni e akehe.

⁵⁷ A kwalula a kuli A-Levi, mu minyachi yo wano: a kuli Ngeshone, akwa munyachi wa A-Ngeshone; a kuli Kohate, akwa munyachi wa A-Kohate; a kuli Merari, akwa munyachi wa A-Merari.

⁵⁸ Akwa minyachi ya Levi wano: akwa munyachi wa A-Lipini, ni akwa munyachi wa A-Heprone, ni akwa munyachi wa A-Mahile, ni akwa munyachi wa A-Mushi, ni akwa munyachi wa A-Kora. Kohate yasema Amarame.

⁵⁹ Pwo lia Amarame iye Yokepete, mwana wa pwo wa Levi, iye wasemukine kuli Levi mu Engitu. Iye wasemenene Amarame, Arone ni Mose, ni ndumbwo Miriame.

⁶⁰ Kuli Arone kwasemukine Nandambe, ni Ambihu, ni Eleazare, ni Itama.

⁶¹ Nandambe ni Ambihu yafwa muze alambwile kahia keka kumeso ja Yehova.

⁶² A kwalula yapwa makumi aali a tununu ni tununu atatu, malunga eswe chize kuli akwa kakweji umuwika ndo kuli makulwana; mumu kaalwile hakachi ka A-Izalele, se kaahele chihinga hakachi ka A-Izalele.

⁶³ Wano a kwalula kuli Mose ni sasendote Eleazare; o yalula A-Izalele mu yana ya Moape, ku sesa lia Yordau mu Yeriku.

⁶⁴ Alioze kukwapwile hakachi ko mutu niumwe amwalwile kuli Mose ni sasendote Arone, waze alwile A-Izalele mu puya ya Sinai.

⁶⁵ Mumu te Yehova hanambe ha kutwala kuli ayo ngwenyi, Chamwenemwene o kumakafwila mu puya. Kukwasalile mutu niumwe wa kuli ayo, shina Kalemba, mwana wa Yefune, ni Yoshua, mwana wa Nune wika.