Kwalula 1 - MUKANDA USANDU WA ZAMBI 1975

¹ Ha tangwa litangu lia kakweji wamuchiali wa mwaka wamuchiali, muze te o hakatuka ku chifuchi cha Engitu, Yehova yamba kuli Mose mu puya ya Sinai, mu mbalaka ya chikungulwila, ngwenyi,

² Alula chikungulwila cheswe cha A-Izalele mu minyachi yo, ku majiko ja atato, nikulita ni kwalula cha majina, malunga eswe, mutu ha mutu,

³ chize kuli akwa makumi aali a miaka ndo kuli makulwana, te eswe hakachi ka A-Izalele mahasa kuya ku jita. Ni yena ni Arone nukaalule nikulita ni yizavu yo.

⁴ Lunga wa ku munyachi weswe akapwe hamwe ni yenu, mutu mweswe mukwa lutwe wa ku jiko lia tato.

⁵ Majina a malunga makamana hamwe ni yenu wano: wa kuli Rupene, Elizure mwana Sedure;

⁶ wa kuli Simeone, Selumiele mwana Zurisadai;

⁷ wa kuli Yunda, Nasone mwana Aminandambe;

⁸ wa kuli Isaka, Netanele mwana Zuare;

⁹ wa kuli Zapulone, Eliape mwana Helone;

¹⁰ wa kuli ana a malunga a José, wa kuli Eframe, Elisama mwana Amihude; wa kuli Manase, Ngamaliele mwana Pedazure;

¹¹ wa kuli Mbenjamine, Abidane mwana Ngideonyi;

¹² wa kuli Ndane, Aizere mwana Amisadai;

¹³ wa kuli Ashe, Pagiele mwana Okra;

¹⁴ wa kuli Ngate, Eliasafe mwana Duele;

¹⁵ wa kuli Napatali, Aira mwana Ena.

¹⁶ Wano ene yaatambika a ku chikungulwila, miata a ku minyachi ya atato. O apwile akwa lutwe a tununu twa A-Izalele.

¹⁷ Ni Mose ni Arone yatwala wano malunga a kutongola ha majina jo.

¹⁸ Ha tangwa litangu lia kakweji wamuchiali o yakungulula chikungulwila cheswe, mba yajichika miya yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, mutu ha mutu.

¹⁹ Chizechene ngwe Yehova ambile Mose chocho yaalula ku puya ya Sinai.

²⁰ Ana a Rupene, kapula-jimo wa Izalele, yisemuko yo, mu minyachi yo, ku majiko ja atato, nikulita ni kwalula cha majina, mutu ha mutu, malunga eswe chize kuli akwa makumi aali a miaka ndo kuli makulwana, eswe mahasa kuya ku jita:

²¹ a kwalula a ku munyachi wa Rupene yapwa makumi awana a tununu ni tununu asambano ni kulakaji atano.

²² A-Simeone, yisemuko yo, mu minyachiyo, ku majiko ja atato, waze alwile nikulita ni kwalula cha majina, mutu ha mutu, malunga eswe chize kuli akwa makumi aali a miaka ndo kuli makulwana, eswe mahasa kuya ku jita:

²³ a kwalula a ku munyachi wa Simeone yapwa makumi atano a tununu ni tununu livwa ni kulakaji atatu.

²⁴ A-Ngate, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, eswe mahasa kuya ku jita:

²⁵ a kwalula a ku munyachi wa Ngate yapwa makumi awana a tununu ni tununu atano ni kulakaji asambano ni makumi atano.

²⁶ A-Yunda, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, eswe mahasa kuya ku jita:

²⁷ a kwalula a ku munyachi wa Yunda yapwa makumi shimbiali a tununu ni tununu awana ni kulakaji asambano.

²⁸ A-Isaka, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, eswe mahasa kuya ku jita:

²⁹ a kwalula a ku munyachi wa Isaka yapwa makumi atano a tununu ni tununu awana ni kulakaji awana.

³⁰ A-Zapulone, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, eswe mahasa kuya ku jita:

³¹ a kwalula a ku munyachi wa Zapulone yapwa makumi atano a tununu ni tununu shimbiali ni kulakaji awana.

³² A-José, te A-Eframe, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, eswe mahasa kuya ku jita:

³³ a kwalula a ku munyachi wa Eframe yapwa makumi awana a tununu ni kulakaji atano.

³⁴ A-Manase, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, eswe mahasa kuya ku jita:

³⁵ a kwalula a ku munyachi wa Manase yapwa makumi atatu a tununu ni tununu aali ni kulakaji aali.

³⁶ A-Mbenjamine, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, eswe mahasa kuya ku jita:

³⁷ a kwalula a ku munyaohi wa Mbenjamine yapwa makumi atatu a tununu ni tununu atano ni kulakaji awana.

³⁸ A-Ndane, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli mukulwana, eswe mahasa kuya ku jita:

³⁹ a kwalula a ku munyachi wa Ndane yapwa makumi asambano a tununu ni tununu aali ni kulakaji shimbiali.

⁴⁰ A-Ashe, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, eswe mahasa kuya ku jita:

⁴¹ a kwalula a ku munyachi wa Ashe yapwa makumi awana a tununu ni kanunu umuwika ni kulakaji atano.

⁴² A-Napatali, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, eswe mahasa kuya ku jita:

⁴³ a kwalula a ku munyachi wa Napatali yapwa makumi atano a tununu ni tununu atatu ni kulakaji awana.

⁴⁴ Wano a kwalula, yaalula kuli Mose ni Arone ni miata a A-Izalele, te kumi lia malunga ni malunga aali, mwata ni mwata ku jiko ni jiko lia atato.

⁴⁵ Kashika wano eswe a kwalula a kuli A-Izalele ku majiko ja atato, chize kuli akwa makumi aali a miaka ndo kuli makulwana, eswe mahasa kuya ku jita mu Izalele,

⁴⁶ te wano eswe a kwalula yapwa kulakaji asambano a tununu ni tununu atatu ni kulakaji atano ni makumi atano.

⁴⁷ Hindu A-Levi nikulita ni munyachi wa atato kaalwileko hamwe no.

⁴⁸ Mumu Yehova yamba kuli Mose ngwenyi,

⁴⁹ Akwa munyachi wa Levi wika kanda walula, chipwe kanda utala angahi aliko hakachi ka A-Izalele.

⁵⁰ Alioze Ukasele A-Levi akafunge tabernakulu ya Shindakenyo, akafunge yikashi yayo yeswe, akafunge yuma yeswe yilimo; o akambate ye tabernakulu ni yikashi yayo yeswe. Akayilingile. Akajikile mbalaka jo kwa kujingilika ye tabernakulu.

⁵¹ Muze munuya mu wenyi ni tabernakulu, A-Levi ayizule, mba muzemayitunga e A-Levi ayimike. Nyi mukukundama umwe mukwo, akamushihe.

⁵² A-Izalele, mutu ni mutu, akajikile mbalaka yenyi ku chilombo chenyi mwene; mutu mweswe ku mbandeira yenyi mwene, nikulita ni yizavu yo.

⁵³ A-Levi akajikile mbalaka jo kwa kujingilika ye tabernakulu ya Shindakenyo, hanga kukuchi kapwa ufwatulo ha chikungulwila cha A-Izalele. A-Levi akalayile ye tabernakulu ya Shindakenyo.

⁵⁴ Chocho chialingile A-Izalele, nikulita ni yize yeswe Yehova ambile Mose, chocho chialingile.