Kutuhuka 36 - MUKANDA USANDU WA ZAMBI 1975

¹ Mbezalele ni Aholiambe kumakalinga ye milimo, mutu mweswe uli ni mbunge ya mana, muli waze Yehova te hanase mana ni yinyingi akanyingike ngwe malinga milimo yeka ni yeka ya uvumbiko wa muma musandu nikulita ni yeswe Yehova te hamba.

² Mose yasanyika Mbezalele ni Aholiambe ni akwa mana eswe mu mbunge jo Yehova te hanjisamo mana, te atu eswe waze mbunge jo jazangile, akeze ku ye milimo akayilinge.

³ O yatambula kuli Mose milambu yeswe A-Izalele haneha ya milimo yeswe ya uvumbiko wa muma musandu, akamutunge. Apwile nikumutwalila milambu ya vumbi chimene ha chimene.

⁴ Malunga eswe akwa mana alingile ye milimo yeswe ya muma musandu, yakatuka, lunga mweswe ku milimo yize analingi,

⁵ yamba kuli Mose ngwo, Yize atu ananehaneha yoka naye ha milimo yize ambile Yehova tukayitange.

⁶ Mose yahana shimbi. Yayisangisa kweswe ku chilombo ngwo, Niumwe, chipwe pwo, chipwe lunga, kanda alinga milimo yikwo ha milambu ya muma musandu. Chocho akwikile atu ngwo, Litwaminenu kuneha.

⁷ Mumu yuma yize apwile nayo te hiyaheta ha milimo, yinji naye, akalinge ye milimo.

⁸ Akwa mana eswe hakachi ko waze alingile ye milimo, yatunga ye tabernakulu ya kumi lia mahina te ya mahina apema atoma, ni alauluka, ni a ufungo, ni a ngengu. Yolaho akerupimi, chitanga cha mwe chilangaji.

⁹ Usuhe wa mahina te wa makumi aali a mbandu ni mbandu nake. Utohe wa mahina aze te wa mbandu jiwana. Mahina eswe a kulita ndwa.

¹⁰ Iye yatolokenya mahina atano, limwe ni likwo hamuwika. Mba mahina atano akwo yatolokenya limwe ni likwo hamuwika.

¹¹ Yatonga maswi a hina lilauluka ha ukundwilo wa hina limwe liatwama ku unungino. Chizechene atongelele ku ukundwilo wa hina Hatwama ku unungino wamuchiali.

¹² Yatongela ha hina limwe makumi atano a maswi. Makumi atano a maswi yatongela ha ukundwilo wa unungino wamuchiali. E maswi akulitalangana.

¹³ Yafula makumi atano a sepe ja oru hikusepeka ni je sepe e mahina limwe ni likwo. Chocho ye tabernakulu yapwa yimuwika lume.

¹⁴ Yatunga mahina a uzangi wa pembe, akapwe mbalaka helu Ha tabernakulu. Yatunga kumi Ha mahina ni hina limuwika.

¹⁵ Usuhe wa mahina eswe, limwe ni limwe, te wa makumi atatu a mbandu. Utohe wa mahina eswe, limwe ni limwe, wa mbandu jiwana. E mahina kumi ni limuwika a kulita ndwa lume.

¹⁶ Yatolokenya mahina atano ukawo mba mahina asambano ukawo.

¹⁷ Yatongela ha ukundwilo wa hina Hatwama ku unungino makumi atano a maswi. Mba makumi atano a maswi yatongela ha ukundwilo wa hina Hatwama ku unungino wamuchiali.

¹⁸ Iye yafula makumi atano a sepe ja unengu ja kununga najo ye mbalaka yikapwe yimuwika.

¹⁹ Yatonga chifuko cha mbalaka cha malambu a kuji a mapanga a kulomba achila, ni chifuko cha malambu a yipanyundu helu.

²⁰ Iye yapula matabua a tabernakulu a ku mutondo wa mukesha te aze akumana kachinjolo.

²¹ Usuhe wa tabua Heswe wa kumi Ha mbandu. Utohe wa tabua Heswe wa mbandu yimuwika ni chihanda cha hakachi.

²² Tabua lieswe Hapwile ni michipo yiali, Ha kutokeka limwe ni likwo ni likwo. Chocho chialingile matabua eswe a tabernakulu.

²³ Yapula e matabua a tabernakulu; makumi aali a matabua ha lumbu Ha ku Sule.

²⁴ Yafula makumi awana a yimanyino ya prata kushi lia matabua aze makumi aali; yimanyino yiali kushi Ha tabua Heswe ya kukwachisa michipo yiali.

²⁵ Mba ha lumbu liamuchiali lia tabernakulu, te ha lumbu Ha ku Norte iye yapula makumi aali a matabua.

²⁶ Yafula yimanyino yo ya prata makumi awana; yimanyino yiali kushi Ha tabua lieswe.

²⁷ Yapula matabua asambano a lumbu Ha kunyima Ha tabernakulu lia kutalikisa ku Chitokelo.

²⁸ Yapula matabua aali a kusa ku mbango ja tabernakulu ja kunyima.

²⁹ Apwile a kutokeka kushi, chizechene ndo kwilu nawa apwile a kutokeka ni ngo yimuwika. Chocho chialingile iye ni matabua eswe aali ku mbango jeswe jiali.

³⁰ Kwapwile te matabua nake ni yimanyino yo ya prata kumi ni yisambano; kushi lia tabua Heswe yimanyino yiali.

³¹ Yapula njalo ja mutondo wa mukesha; njalo jitano ja matabua a ku lumbu likwo lia tabernakulu,

³² ni njalo jitano ja matabua a ku lumbu likwo Ha tabernakulu, ni njalo jitano ja matabua a ku lumbu Ha kunyima lia kutalikisa ku Chitokelo.

³³ Iye yanjisa njalo mukachi ka matabua ndusu chize ku songo limwe ndo ku songo likwo.

³⁴ Yalamika oru ha matabua. Yafula ngo jo ja oru ja kunjishilamo je njalo. Yalamika oru ha njalo.

³⁵ Yatonga chikalakala cha hina lilauluka ni Ha ufungo, ni Ha ngengu, ni lipema litoma, cha kwola ni akerupimi, chitanga cha mwe chilangaji.

³⁶ Yachisongela manguji awana a mutondo wa mukesha. Yalamikaho oru. Ngo jo te ja oru. Yaazuzulwila yimanyino yiwana ya prata.

³⁷ Yatonga hina Ha kufuka ku chikolo cha mbalaka Ha hina lilauluka, ni lia ufungo, ni Ha ngengu, ni lipema litoma; chitanga cha mukwa kwola.

³⁸ Ni manguji jalio atano hamwe ni ngo jo. Yalamika oru ha masongo jo ni ha mikambo yo nawa. Yimanyino yo yitano te yapwile ya unengu.