Kutuhuka 26 - MUKANDA USANDU WA ZAMBI 1975

¹ Chikwo nawa, ukatunge tabernakulu ni kumi lia mahina, mahina apema atoma, ni alauluka, ni a ufungo, ni a ngengu. Ukaole ni akerupimi, chitanga cha chilangaji.

² Usuhe wa hina ni hina ukapwe makumi aali a mbandu ni mbandu nake. Utohe wa hina ni hina ukapwe mbandu jiwana. Mahina eswe akapwe a cheseko chimuwika.

³ Akatolokenye hamuwika mahina atano, limwe ni likwo ni likwo, mba mahina atano akwo akaatolokenye hamuwika limwe ni likwo ni likwo.

⁴ Kuze ku ukundwilo wa lie hina lize Hatwama ku unungino utangu ukatongeleko maswi a hina lilauluka. Chizechene ukatonge ku ukundwilo wa lie hina lize Hatwama ku unungino wamuchiali.

⁵ Ukatongele ku hina limwe makumi atano a maswi. Ukatongele nawa makumi atano akwo a maswi ku ukundwilo wa lie hina Hatwama ku unungino wamuchiali. E maswi akalitalangane.

⁶ Ukafule nawa makumi atano a sepe ja oru. Ukasepeke ni je sepe mahina hamuwika, ye tabernakulu yikapwe ye yimuwika lume.

⁷ Ukatunge mahina a uzangi wa pembe, akapwe mbalaka helu Ha ye tabernakulu. Ukatunge kumi lia mahina ni hina limuwika.

⁸ Usuhe wa hina limuwika ukapwe makumi atatu a mbandu. Utohe wa hina limuwika ukapwe mbandu jiwana. Mahina eswe, kumi ni limuwika, akapwe a cheseko chimuwika.

⁹ Ukasepeke mahina atano ukawo; mahina asambano ukawo. Ukazembule hina liamuchisambano kulutwe lia mbalaka.

¹⁰ Ukatonge makumi atano a maswi ha ukundwilo wa lie hina lize Hatwama ku unungino; ni makumi atano a maswi ha ukundwilo wa lie hina lize Hatwama ku unungino wamuchiali.

¹¹ Ukafule makumi atano a sepe ja unengu ukaswike je sepe ku maswi. Ukasepeke mbalaka hamuwika, yikapwe yimuwika lume.

¹² Mba hina mulizembuka, Ha kulitulako lia ku mahina a mbalaka, chihanda chize cha hakachi cha hina cha kulitulako, chikazembukile kunyima ya tabernakulu.

¹³ Mbandu yino ya hina ya ku lumbu limwe, mba mbandu yikwo ya ku lumbu likwo ya ku hina lize mulitulako Ha ku usuhe wa mahina ja mbalaka, yikazembukile malumbu ja tabernakulu ni lumbu lino ni lumbu lize mukuyifuka.

¹⁴ Ukatonge chifuko cha mbalaka ni malambu a kuji a mapanga a kulomba achila, mba helu liacho chifuko cha malambu a yipanyundu.

¹⁵ Ukapule matabua a tabernakulu a mutondo wa mukesha nikwamika kachinjolo.

¹⁶ Usuhe wa tabua ni tabua ukapwe wa kumi Ha mbandu. Utohe wa He tabua ni tabua ukapwe wa mbandu yimuwika ni chihanda cha hakachi.

¹⁷ Ku tabua ni tabua kukapwe michipo yiali, tabua ni tabua Ha kutokeka hamuwika. Chocho ukapule matabua eswe a tabernakulu.

¹⁸ Ukapule matabua a tabernakulu. Ha lumbu lia ku Sule makumi aali a matabua.

¹⁹ Ukafule makumi awana a yimanyino ya prata ya kutwama kushi lia matabua; yimanyino yiali kushi Ha tabua limuwika ya kukwachisa michipo yalio; yimanyino yiali yikwo kushi lia tabua likwo ya kukwachisa michipo yalio.

²⁰ Ha lumbu liamuchiali Ha tabernakulu te lumbu Ha ku Norte, makumi aali a matabua.

²¹ Hamwe ni yimanyino yo ya prata makumi awana; yimanyino yiali kushi Ha tabua limuwika ni yimanyino yiali kushi Ha tabua likwo.

²² Ukapule nawa matabua asambano ha lumbu Ha kunyima Ha tabernakulu, liatalikisa ku Chitokelo.

²³ Ukapule nawa matabua aali a kusa ku mbango ja ku tabernakulu, ku lumbu Ha kunyima.

²⁴ Kushi akapwe a kutokeka. Ndusu ndo kwilu akapwe a kutokeka hamuwika ndo ku ngo yimuwika. Chocho chikapwe ha matabua eswe ni aali. Akapwe ha mbango jeswe ni jiali.

²⁵ Kukapwe matabua nake ni yimanyino ya prata; kumi lia yimanyino ni yimanyino yisambano. Yimanyino yiali yikapwe kushi lia tabua likwo, mba yimanyino yiali kushi lia tabua likwo.

²⁶ Ukapule nawa njalo ja mutondo wa mukesha; jitano ja matabua a ku lumbu likwo lia tabernakulu,

²⁷ ni njalo jitano ja matabua a ku lumbu likwo lia tabernakulu, ni njalo jitano ja matabua a ku lumbu lia tabernakulu lia kunyima, liatalikisa ku Chitokelo.

²⁸ Njalo ya mukachi ya kunjila ndusu hakachi ka matabua chize ku songo limwe ndo ku songo likwo.

²⁹ Ukalamike oru ha matabua. Ukafule ngo jo ja oru ja kunjishilamo je njalo. Ni je njalo nawa ukajilamikeho oru.

³⁰ Ukamike ye tabernakulu nikulita ni cheseko chayo chize nakulwezele ha mulundu.

³¹ Ukatonge nawa chikalakala cha hina lilauluka, ni lia ufungo, ni lia ngengu, ni lipema litoma, lia kwola ni akerupimi, chitanga cha chilangaji.

³² Ukazezeleke lie hina ha manguji awana a mutondo wa mukesha a kulamika ni oru, akumana ha yimanyino yiwana ya prata, ngo jo jikapwe ja oru.

³³ Ukazezeleke hina lia chikalakala ha je sepe. Ukanjise muchima lia chikalakala cha hina we mushete wa shindakenyo hanga che chikalakala cha hina chikahandunune hakachi ka muma musandu ni muma musandu mwahiana.

³⁴ Ukanangike chitwamo cha keke ha mushete wa shindakenyo, muma musandu mwahiana.

³⁵ Ukatumbike ye mesa haze lia chikalakala cha hina. Chikwachilo cha ndeya chikalitalangane ni ye mesa ha lumbu lia ku Sule lia tabernakulu. Ukatumbike ye mesa ha lumbu lia ku Norte.

³⁶ Ukatonge hina lia kufuka ku chikolo cha mbalaka, lilauluka, ni lia ufungo, ni lia ngengu, ni lipema litoma, lia milimo ya kwola.

³⁷ Lie hina liacho ukalisongele manguji atano a mutondo wa mukesha. Ukalamikeho oru. Ngo jo jikapwe ja oru. Ukaazuzulwile yimanyino yitano ya unengu.