Jobe 26 - MUKANDA USANDU WA ZAMBI 1975

¹ Mba Jo yakumbulula ngwenyi,

² Chichize nwakwasa yoze keshi ndundo! Chocho hinwalamwina kwoko lize kulishi tachi!

³ Chocho nwalongesa yoze keshi mana! Nikulumbununa ndusu chinyingi chingunu!

⁴ Iya wanukwashile kuhanjika maliji? Spiritu yaya watuhuka muli yenu?

⁵ Yizulie kuyakuchikimina mushi lia meya ni waze atwamamo.

⁶ Shiole yapwa ya washi kumeso ja Zambi; Apandone kuyishi ni chifuko.

⁷ Kakuzazulwila Norte homa hamokomoko. Kakuzezeleka hashi mu tetela.

⁸ Kakuvunga meya mu malelwa jenyi a ndama, hindu lelwa kuliapulikile ni ulemu wo.

⁹ Kakufuka meso ja kakweji, ni kuzazulwilaho lelwa lienyi.

¹⁰ Hafunjika mufunda wa chikelula ha meya; ukapwe njiza ya mwalwa ni milima.

¹¹ Manguji a malilu kakuchikima nikulishimwoka muze maámbila.

¹² Waholesele kalunga-lwiji ni tachi jenyi; walambile Rahape ni yinyingi yenyi.

¹³ Ni fuji jenyi wapemesene malilu; kwoko lienyi liatuwile lunoka wa tambu.

¹⁴ Yino yuma yapwa ngwe chihanda cha yilinga yenyi; twakwivwa lufuma wenyi hwe-hwe wika. Iya mahasa kusa chinyingi kukulunguza cha ndundo jenyi?