Jobe 25 - MUKANDA USANDU WA ZAMBI 1975

¹ Mba Bilidade Ka-Shuha yakumbulula ngwenyi,

² Chiyulo ulemu ya mbala ya Zambi. Kakutesa sambukila mwilu mwenyi mwahiana.

³ Mahasa kwalula tujita twenyi? Pangu lienyi kuliavumbukile hali iya?

⁴ Mba mutu kuchi mahasa kusamba kumeso ja Zambi? Yoze unasemuka kuli pwo kuchi mahasa kupema?

⁵ Achi talenu, chipwe kakweji katemukine liakulu; chipwe matongonoshi kapemene kumeso jenyi;

⁶ mba mutu—yoze wapwa vuno? Mwana mutu—yoze wapwa musangwinya?