Jobe 17 - MUKANDA USANDU WA ZAMBI 1975

¹ Spiritu yami hiyamakuka; matangwa jami hahwa; fuka linangutwaminyina.

² Akwa kulenya kanangujingilika; meso jami kanamono kuchoka cho.

³ Ngutumbikile chifungo kuli yena mwene. Iya mangufwetela tombo?

⁴ Se yena hiwayika manyonga jo kahashile kusa chinyingi, kashika kuchi kwatayiza kukumba.

⁵ Yoze malamikiza masepa jenyi hanga akazuke chihanda cha upite wo, meso ja ana jenyi kumakatuma.

⁶ Iye hanangupwisa kashilikilo hakachi ka mavungu. Atu kakufwila mate ha kungumona.

⁷ Meso jami halá ni chinyengo; yihanda yami yapwa ngwe yizulie.

⁸ Chino chuma kuchakushima akwa ululi; mukwa kusamba kakulisunga hali yitanganyanyi.

⁹ Mukwa ululi kanalikoleza mu jila yenyi; mukwa kupema ku moko kanayi nikuliwezela tachi.

¹⁰ Alioze yenu, kundamenu eswe, hindu chichi kuwana hakachi kenu chipwe mukwa mana umuwika.

¹¹ Matangwa jami hahwa, yuma napalile hiyapatuka; yize te nazangile ni mbunge yeswe.

¹² O kakwalumuna ufuku mu mwalwa; ngwo, Pangu ni milima hakamwihi yili.

¹³ Nyi mungufupa Shiole yikapwe zuwo liami, nyi mungwala muhela wami mu milima,

¹⁴ nyi mungutongola fuka ngwami, Uli tata; nyi mungutongola vuno ngwami. Uli mama, hanji uli pangiami;

¹⁵ nyi chocho kutalatala chami chilihicho? Iya mamona kutalatala chami?

¹⁶ Muchiheta ndo ku njalo ja Shiole? Kumutupalumuka hamuwika mu fufuta?