Izaya 39 - MUKANDA USANDU WA ZAMBI 1975

¹ Ha mwaka uze Merodake-Baladane mwana Baladane mwanangana wa Babilonia yatuma mikanda ni yawana kuli Hezekia, mumu te hevwa ha kuyiza chenyi ni chize hahinduka.

² Hezekia aye yapanjika kuli ayo; yaalweza zuwo lia yuma yenyi yilemu, prata, ni oru, ni tumbuto twa lupembo mupema, ni maji alemu, ni zuwo lieswe lia mazalo a yikungo, ni yize yeswe yapwile mu upite wenyi. Nichimwe chuma chasalile mu zuwo lienyi hanji mu chifuchi chenyi Hezekia kaalwezele.

³ Henaho profeta Izaia yeza kuli mwanangana Hezekia ngwenyi, Wano malunga yika ambile? Kulihi akatukile heza kuli yena? Hezekia yamba ngwenyi, Akatukile ku chifuchi kusuku, ku Babilonia.

⁴ Aye ngwenyi, Yika amona mu zuwo lie? Hezekia yamba ngwenyi, Hamona yeswe yili mu zuwo liami. Kukwasalile nichimwe hakachi ka upite wami chaalwezele.

⁵ Izaia yamba kuli Hezekia ngwenyi, Ivwa liji lia Yehova-wa-Tujita nyi.

⁶ Matangwa aneza muze yize yeswe yili mu zuwo lie, ni yize yeswe tulamba twe aswekele ndo musono, mayimbata ku Babilonia. Nichimwe muchisala, chocho kanambe Yehova.

⁷ Ni amwe a kuli ana je waze matuhuka muli yena, yena muasema, kumakaatwala. Kumakapwa aunuku mu zuwo lia mwanangana wa Babilonia.

⁸ Hezekia yamba kuli Izaia ngwenyi, Liji lia Yehova hiwamba Unapeme. Yaweza nawa ngwenyi, Mukupwa sambukila ni umwenemwene ha matangwa jami.