Izaya 25 - MUKANDA USANDU WA ZAMBI 1975

¹ Yehova, yena uli Zambi yami; mungukunangamisa, munguhalisa jina lie; mumu hiwalinga yikomokeso, yuma ya kufunjika kushi, yuma yamwenemwene, yuma ya pundu.

² Mumu hiwalumuna chihunda ngwe mulumba wa yiswaswa, chihunda cha kukolesa chapwa cha hululu; mbala ya tundaka kuyapwile chihunda nawa, kechi kayitunga nilimwe tangwa.

³ Kashika mavungu a tachi makakuchichimieka, yihunda ya mavungu a uswi muyikakuvwila woma.

⁴ Mumu uli chiswamo cha tachi kuli chiswale, chiswamo cha tachi kuli mukwa kuhona mu lamba lienyi, uli chiswamo ku kangonga ni chihuhumuke ha mwalwa; mumu tachi ja yiswi japwa ngwe kangonga ka kulamba ha yishimi,

⁵ ngwe chivukuminya muma mumu. Ena kuwakuholesa zungo lia tundaka, ngwe Chizulie cha lelwa chakuholesa chivukuminya, chocho mwaso wa chiswi wakuhwa.

⁶ Ha mulundu uno Yehova-wa-Tujita kumakalinga chiwanyino cha yuma ya maji hali mavungu eswe, te chiwanyino cha vinyu yinenguluka, ni yuma ya maji ya tò ni usongosongo, ni vinyu yinenguluka, ya kupemesa kanawa.

⁷ Ha mulundu uno monwona chifuko chize hafuka nacho mavungu eswe, ni wanda uze hazazulwila helu lia mawanangana eswe.

⁸ Kumakakumba che kufwa ndo ku miaka ya mutolo mba Mwene Yehova makusumuna masoji ku meso eswe. Ni sau lize liatwama hali atu jenyi makalichiza hashi heswe, mumu Yehova hanachambe.

⁹ Ha tangwa lize mamba ngwo, Mwe Zambi yetu yono! Twamutwaminyinyine atulamwine. Mwe Yehova yono twatwaminyinyine tuwahililenu ni kulikwiza ni ulamwino wenyi.

¹⁰ Mumu kwoko lia Yehova kumulikatula ha mulundu uno ni A-Moape mapwa a kuliata kuma kwo ngwe kakuliata mwambu mu wina wa wilo.

¹¹ Kumakololamo moko jenyi ngwe mukwa kusanyina kakulinga ha kusanyina, hindu Yehova manunguna kulengumuka chenyi hamuwika ni ulangaji wa moko jenyi.

¹² Ni yipanga-ya-mawe, ya kukolesa ni kusuhisa, kumakayinunguna, nikuyinyasa hashi, mwe mu fufuta.