Izaya 20 - MUKANDA USANDU WA ZAMBI 1975

¹ Ha mwaka uze mwe Tartana, amutumine kuli Sargone mwanangana wa Asuria, wejile ku Ashedode nikwasa no jita ni kutambula che chihunda—

² ha mwaka uze Yehova te hanahanjika ni Izaia mwana Amoze ngwenyi, Yako uzule chikeleyi mu zalilo ye ukachize haku ku molu je. Aye te hanalingi chocho nikwenda keshi mazalo keshi haku.

³ Mba Yehova yamba ngwenyi, Chizechene ngwe kavumbi kami Izaia hanende miaka yitatu keshi mazalo keshi haku, chikapwe chilayi ni chilweza cha kulimika ni Engitu ni Etiopia,

⁴ chocho mwanangana wa Asuria makatwala A-Engitu funge ni A-Etiopia akatwame ku chifuchi kusuku, ni makulwana ni twanuke, keshi mazalo keshi haku, ni matako a kufukula, chikapwe sonyi ja A-Engitu.

⁵ Mba kumakalishimwoka ni kutatajala mumu ha kutenga Etiopia kutalatala cho ni ha kulisamba ni A-Engitu.

⁶ Akwa mbaka yino mamba ha tangwa lize ngwo, Kumanyi chocho chapwa kuli waze twafulielele ni waze twachinyinyine kuli ayo atukwase ni kutupulula kuli mwanangana wa Asuria! Mba yetu kuchi mutupuluka?