Izaya 12 - MUKANDA USANDU WA ZAMBI 1975

¹ Muwamba ha tangwa lize ngwe, Ngunakusakwilila Yehova, mumu chipwe watenukine ni yami, utenu we hiunakondoloka, hiwanguwumbijeka.

² Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

³ Mukawahilila shimbu mukataha meya ku mafuji a ulamwino.

⁴ Mba mukamba ha tangwa lize ngwe, Sakwililenu Yehova, vulukenu jina lienyi; fumanyisenu yitanga yenyi hakachi ka mavungu; ambujolenu ngwenu, Jina lienyi hanangama.

⁵ Imbenu uhaliso kuli Yehova mumu halinga yuma ya uhenya; chuma chino chikafumane hashi heswe.

⁶ Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.