Hosea 9 - MUKANDA USANDU WA ZAMBI 1975

¹ Ena, Izalele, kanda uwahilila! Kanda ulikwiza ngwe akwa mavungu, mumu hiwalinga ukoi nikuhichika Zambi ye. Hiwazanga fweto ya chikoi ha yizungwilo yeswe.

² Yizungwilo ni ukamino wa uva kuyichi kuhasa kwalisa, ni vinyu yaha muyiahona.

³ Kechi kutwama mu chifuchi cha Yehova; alioze Eframe mahiluka ku Engitu, mba malia kulia cha luchisa mu Asuria.

⁴ Kechi kuzuza milambu ya vinyu kuli Yehova: kechi kuhasa kumuwahisa ni yitapo yo. Mbolo yo muyipwa ngwe mbolo ya waze hafwisa; mweswe mayilia malichisa, mumu mbolo yo muyipwa ya zala yo wika, kuyichi kuheta mu zuwo lia Yehova.

⁵ Yika munulinga ha tangwa lia chiwanyino cha kufunjika, ha tangwa lia chiwanyino cha Yehova?

⁶ Mumu kanayi ku Asuria; A-Engitu makaakunga; akwa Memefiji makaafunda. Mazo-a-lunoka makazuka yuma yo yilemu ya prata; mingonga muyikapwa mu mbalaka jo.

⁷ Matangwa a kastigu hanahete; matangwa a kufwetesa hanahete; mba Izalele makachinyingika. Profeta hanapu chihepuke; mutu wa Spiritu hanapu chizaluke, mumu ha uhenge wenu unene ni kole yenu yinene.

⁸ Profeta aye kalayi ka Eframe e atu ja Zambi yami, hindu kambwila lia mukwa kutela tujila mu majila jenyi eswe mulili, ni kole mu zuwo lia Zambi yenyi.

⁹ Hanalichisa chikolo, ngwe ha matangwa ja Ngibia. Iye kumakewuluka uhenge wo; kumakafwetesa milonga yo.

¹⁰ Nawanyine Izalele ngwe uva ja mu puya. Namwene tulamba twenu ngwe mihuko yitangu ya mikuyu ha mwaka wayo litangu. Alioze ejile ku Mbale-Peore ni kulitumbikila kuli Mbale, ni kwalumuka a kuvwisa lwaji chizechene ngwe che chuma chize azangile.

¹¹ Uhenya wa Eframe muukahumuka ngwe kajila, ni kusema chakuhi, chipwe ufumba, chipwe kwaka.

¹² Chipwe malela ana hindu mungwashiha, kechi kasala niumwe. Lamba lio! Muze mungwakatuka.

¹³ Ngwe namwene, Ana ja Eframe haasela kwapunda; alioze Eframe makatuhwisa ana jenyi kuli mukwa kushiha.

¹⁴ Yehova ukaahecho! Ukaahe yika? Ukaahe majimo a kuselumuna, ni mele a chau.

¹⁵ Yipi yo yeswe mu Ngilingali yili; kwenako naputukile kwavwila kole. Mungwahuma mu zuwo liami mumu ha ungulungulu wa yitanga yo. Chichi kwazanga nawa; alemu jo eswe kapwa akwa kukolema.

¹⁶ Eframe hamulamba; muji wo hi woma; kechi kema nawa mihuko. Chipwe masema, hindu mungushiha ana jo a zango.

¹⁷ Zambi yami maambila mumu kamupanjikile. Kumakapwa yendanganyi hakachi ka mavungu.