Ezra 10 - MUKANDA USANDU WA ZAMBI 1975

¹ Shimbu Ezera machilemba ni kushikisa, ni kulila, ni kufulamana kulutwe lia zuwo lia Zambi, kwakungulukile kuli iye mbunga yinene ya malunga ni mapwo ni ana a kuli A-Izalele, mumu atu alilile chikolo.

² Mba Shekania mwana Jehiele umwe wa ana ja Elame a malunga yakumbulula, yamba kuli Ezera ngwenyi, Hitwavulumuna Zambi yetu ha kumbata mapwo yilambala a ku mavungu a chifuchi, hindu kutalatala kuchili ha chuma chino.

³ Haliapwila tukolesenu usendo ni Zambi yetu tukalakule mapwo eswe ni ana jo eswe nikulita ni longeso lia yena mwata wami ni waze akuchikima ha shimbi ja Zambi yetu. Tulingenu chuma chino nikulita ni shimbi.

⁴ Katuka mumu chikuma chino niche; ni yetu tuli hamuwika ni yena. Hamuka Ukachilinge.

⁵ Mba Ezera yakatuka yashingisa akwa lutwe ja asasendote, ni A-Levi, ni A-Izalele eswe ngwo, Mutulinga liji lino. O yalishinga.

⁶ Chocho Ezera yakatuka kulutwe lia zuwo lia Zambi, yanjila mu chipatulo cha Jehohana mwana Eliashipe; alioze ha kutuhu-kamo kalile, chipwe kunwa kanwine, mumu ha kulinyenga ha mulonga wa akwa unjize.

⁷ Yatambika mutambi ndusu mu Yunda ni mu Yerusaleme kuli atu eswe a ku unjize akakungulukile ku Yerusaleme.

⁸ Chikwo nawa ngwo, Mweswe kejile ha matangwa atatu, nikulita ni longeso lia alemu ni makulwana, yikumba yenyi yeswe mamutambulayo, ni mwene mamuteta ku chikungulwila cha akwa unjize.

⁹ Mba malunga eswe a Yunda ni Mbenjamine yakungulukila ku Yerusaleme ha matangwa atatu, te ha kakweji wamuchilivwa ni tangwa makumi aali a kakweji. Atu eswe yatwama mu lwaza kulutwe lia zuwo lia Zambi nikuchikima mumu ha chikuma chino ni ha vula munji nawa.

¹⁰ Henaho sasendote Ezera yamana kwilu, yamba kuli ayo ngwenyi, Hinwavulumuna, hinwambata mapwo yilambala nwokese uhie wa Izalele.

¹¹ Kashika shikisenu kuli Yehova Zambi ya tulamba twenu nukalinge upale wenyi, nukalihandu-nune kuli mavungu a chifuchi ni kuli mapwo yilambala.

¹² Mba chikungulwila cheswe chakumbulwile ni liji linene ngwo, Ngwe hiwatwamba chocho chatutamba kulinga.

¹³ Alioze atu hoka, ni vula munji uliko, kutwahashile kumana haze. Ni ye milimo yino hi ya tangwa limuwika ko, hanji aali, mumu hitwavulumuna chikolo mu chuma chino.

¹⁴ Alemu jetu aasakule ha chikungulwila cheswe, mba waze eswe mu yihunda yetu hambata mapwo yilambala eze ha tangwa lia kwasela, hamwe ni makulwana ja chihunda, ni ngaji jako, ndo utenu usasu wa Zambi yetu muutewuluka kuli yetu, ndo chikuma chino hichahwa.

¹⁵ Jonatas mwana Asahele ni Jazeya mwana Tikiva wika, yahamika. Ni Meshulame ni Ka-Levi Shabetai yaakwasa.

¹⁶ Chocho atu ja ku unjize yachilinga. Mwe sasendote Ezera ni amwe akwa lutwe mu minyachi ya atato nikulita ni mazuwo ja atato, eswe ku majina jo yaahandununa. Yatwama no ha tangwa litangu lia kakweji wamuchikumi akasope che chikuma.

¹⁷ Mba ha kuheta ku tangwa litangu lia kakweji mutangu, yamanununa ni malunga eswe waze hambata mapwo yilambala.

¹⁸ Hakachi ka ana ja asasendote yawana amwe hambata mapwo yilambala, majina jo wano: a kuli ana ja Yeshua, mwana Jozadake ni asongo jenyi, Maseia, ni Elieza, ni Jaripe, ni Gedalia.

¹⁹ O yalilakenya kulakula mapwo jo, ni se uhie ali nawo, alambwile kuji ya panga wa ku chendo ha uhie wo.

²⁰ Kuli ana ja Imere: Hanani ni Zebadia.

²¹ Kuli ana ja Harimi: Maseia, ni Eliya, ni Shemaia, ni Jehiele, ni Uzia.

²² Kuli ana ja Pashure: Elionai, ni Maseia, ni Ishemali, ni Netanele, ni Jozabade, ni Eleasa.

²³ A kuli A-Levi, Jozabade, ni Shimei, ni Kelaia (likwo Kelita), ni Petahia, ni Yunda, ni Elieza.

²⁴ Wa kuli njimba, Eliashipe. A kuli akwa mapito, Shalume, ni Teleme, ni Uri.

²⁵ A kuli A-Izalele wano: kuli ana ja Paroshe, Ramia, ni Izia, ni Malekia, ni Mijamine, ni Eleazare, ni Malekia, ni Benaia.

²⁶ Kuli ana ja Elame, Matania, ni Zekaria, ni Jehiele, ni Abadi, ni Jeremote, ni Eliya.

²⁷ Kuli ana ja Zatu, Elionai, ni Eliashipe, ni Matania, ni Jeremote, ni Zabade, ni Aziza.

²⁸ Kuli ana ja Bebaia, Jehohana, ni Hanania, ni Zabaia, ni Atalai.

²⁹ Kuli ana ja Mbani, Meshulame, ni Maluke, ni Adaia, ni Yasupe, ni Sheale, ni Jeremote.

³⁰ Kuli ana ja Pahata-moape, Adana, ni Chilala, ni Benaia, ni Maseia, ni Matania, ni Mbezalele, ni Binui, ni Manase.

³¹ Kuli ana ja Harimi, Elieza, ni Ishia, ni Malekia, ni Shemaia, ni Shimeone,

³² ni Mbenjamine, ni Maluke, ni Shemaria.

³³ Kuli ana ja Hashume, Matenaia, ni Matata, ni Zabade, ni Elifelete, ni Jeremaia, ni Manase, ni Shimei.

³⁴ Kuli ana ja Mbani, Madaia, ni Amarame, ni Wela,

³⁵ ni Benaia, ni Bedeia, ni Cheluhi,

³⁶ ni Vania, ni Meremote, ni Eliashipe,

³⁷ ni Matania, ni Matenaia, ni Jasu,

³⁸ ni Mbani, ni Binui, ni Shimei,

³⁹ ni Shelemia, ni Natane, ni Adaia,

⁴⁰ ni Makanedabaia, ni Shashaia, ni Sharaia,

⁴¹ ni Azarele, ni Shelemia, ni Shemaria,

⁴² ni Shalume, ni Amaria, ni José.

⁴³ Kuli ana ja Nebo, Jehiele, ni Matitia, ni Zabade, ni Zebina, ni Jadau, ni Joele, ni Benaia.

⁴⁴ Wano eswe te hambata mapwo yilambala, ni amwe te hasema no ana.