Ezekiel 15 - MUKANDA USANDU WA ZAMBI 1975

¹ Liji lia Yehova yiliza kuli yami ngwenyi,

² Mwana mutu, mutondo wa uva wahiana kuchi mitondo yikwo, hanji mutango wa uva uze uli hakachi ka mitondo ya mu musenge?

³ Te matambula mutondo wawo kulinga milimo yimwe? Atu kakusonga ku mutondo wawo lumbambo wa kuzezelekako chikwachilo chimwe?

⁴ Maatenga kunyi ja ha jiko, alioze muze songo ni shina hiliawana, ni chipinji cha hakachi hichapwa makala, mahasa kulinga nawo chimwe chuma?

⁵ Shimbu te uchili wa muwundu kuushi milimo; mba muze hiwahwa ni kahia, hiwapwa makala, mahasa kulinga nawo milimo yimwe nawa?

⁶ Kashika Mwene Yehova kanambe ngwenyi, Chizechene ngwe mutongo wa uva hakachi ka mitondo ya mu musenge, uze hinakunjika ku kahia ukapwe kunyi, chochene nawa mungukahana akwa Yerusaleme.

⁷ Mungukasa meso jami kulimika no; mba chipwe malilamwina ku kahia hindu kahia mukaalalisa. Munukanyingika yami nguli Yehova muze mungukasa meso jami kulimika no.

⁸ Mungukapwisa chifuchi cha hululu mumu halinga ni yami ni mafwefwe. Chocho kanambe Mwene Yehova.