Alevi 10 - MUKANDA USANDU WA ZAMBI 1975

¹ Nandambe ni Ambihu, ana ja Arone, anjile mutu mweswe chikwachilo chenyi. Yasamo kahia ni insensu, yalambula kahia keka kumeso ja Yehova, kaze iye kaatumine.

² Mba mwatuhukile kahia kumeso ja Yehova, yaalalisa, yafwa kumeso ja Yehova.

³ Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

⁴ Mba Mose yasanyika Mishaele ni Elezafwa, ana ja Uziele natu ya Arone, yamba kuli ayo ngwenyi, Tweyenu nuzundule akwenu kulutwe lia muma musandu nukaachize mu chilombo.

⁵ Chocho yeza yaambata mu yikuto yo, yaachiza mu chilombo, chizechene ngwe Mose haatuma.

⁶ Mba Mose yamba kuli Arone, ni kuli Eleazare, ni kuli Itama, anenyi a malunga ngwenyi, Kanda nukasulula kambu jenu, chipwe mazalo jenu kanda nwasonya, kuchina munufwa, kuchina ufwatulo ukapwile ha chikungulwila cheswe. Alioze akwenu, vungu lieswe Ha Izalele mahasa kulilila kahia kano Yehova hawika.

⁷ Kanda nutuhuka ku chikolo cha mbalaka ya chikungulwila, kuchina munufwa, mumu hananuwayisa ni maji kuli Yehova. O chocho alingile nikulita ni liji Ha Mose.

⁸ Yehova yamba kuli Arone ngwenyi,

⁹ Kanda ukanwa vinyu hanji kunwa chisasu, chipwe yena, chipwe ane a malunga hamwe ni yena, muze mununjila mu mbalaka ya chikungulwila, kuchina munufwa. Chino chikapwe chiyulo cha mutolo kuli yenu ndusu yisemuko yenu yeswe.

¹⁰ Chanutamba kupatula hakachi ka yisandu ni yuma yeswayo; hakachi ka yuma yipema ni yuma ya luchisa.

¹¹ Nukalongese A-Izalele yiyulo yeswe yize Yehova haakunjika kuli Mose.

¹² Mba Mose yamba kuli Arone ni kuli Eleazare ni Itama, anenyi a malunga waze asala ngwenyi, Andenu mulambu wa wunga uze wasala wa ku milambu ya kahia kuli Yehova, nukaulie kuushi futunwiso ku lumbu lia chilumbilo, mumu usandu Wahiana.

¹³ Nukaulie kuma kumwe kusandu, mumu mwe ni wa ane a malunga, wa ku milambu ya kahia kuli Yehova, mumu chocho hangutuma.

¹⁴ Alioze pambo lia kuhungisa ni chilama cha kuzundula nukayilie kuma kweswako kupema, ni yena ni ane a malunga, ni ane a mapwo hamwe ni yena, mumu hanakweheyo yikapwe chihanda che ni cha ane a malunga, ya ku yitapo ya milambu ya sambukila ya A-Izalele.

¹⁵ Chilama cha kuzundula ni pambo Ha kuhungisa akayinehe hamwe ni milambu ya kahia ya maji Ukayihungise kumeso ja Yehova mulambu wa kuhungisa. Muukapwa wa yena ni wa ane a malunga hamwe ni yena, chihanda chenu cha mutolo chizechene ngwe Yehova hamba.

¹⁶ Mose yafupafupa mwe pembe wa mulambu ha shili, kumanyi hamwocha! Kashika watenukine ni Eleazare ni Itama ana ja Arone waze asala, ngwenyi,

¹⁷ Kuchi te kunwalile mulambu ha shili muma musandu, se wapwa usandu Wahiana mba hanwahawo kumbata uhenge wa chikungulwila, kufuka shili yo kumeso ja Yehova?

¹⁸ Manyinga jawo kaanehene muchima lia muma musandu. Chanutamba kachi kuulia muma musandu ngwe nanutuma.

¹⁹ Mba Arone yamba kuli Mose ngwenyi, Musono hatambula mulambu wo ha shili ni mulambu wo wa kulumba kumeso ja Yehova, hindu yuma yipwa haha yanguwananga. Nyi kachi nalianga musono mulambu ha shili kachi chapemenanga kumeso ja Yehova, nyi?

²⁰ Muze Mose yevwa chino chamuwahila.