Akwa Kuyula 4 - MUKANDA USANDU WA ZAMBI 1975

¹ A-Izalele alingile chipi cheka nawa kumeso ja Yehova muze Ehude hafwa.

² Kashika Yehova yaalanjisa ku kwoko Ha Jabini, mwanangana wa Kanana, yoze wayulile mu Hazore. Mwe kapitau wa tujita twenyi iye Sisera, Watwamine mu Harosete-Hagoimi.

³ Mba A-Izalele atetele kuli Yehova aakwase, mumu Sisera wapwile ni kulakaji livwa a matemba-a-jita a utale; yapinjisa A-Izalele ni uswi makumi aali a miaka.

⁴ Debola, profeta wa pwo, iye pwo Ha Lapidoto wayulile A-Izalele miaka yize.

⁵ Watwamine mushi Ha mungaji wa Debola hakachi ka Rama ni Mbetele mu chifuchi cha Eframe ku milundu. Kwenako A-Izalele ejile kuli iye akaayule.

⁶ Iye yatuma kusanyika Mbarake mwana wa Abinoame ku Kendeshe mu Napatali. Yamba kuli iye ngwenyi, Yehova Zambi ya Izalele hanakwambe ngwenyi, Yako ukakungulule malunga je ku mulundu wa Tabore, ukasakule kumi Ha tununu a ku minyachi ya Napatali ni ya Zapulone.

⁷ Ami mungukoka Sisera kapitau wa tujita twa Jabini akatakane ni yena ku lwiji Kishone hamwe ni matemba jenyi ni tujita twenyi, mba mungumukunjika mu kwoko He.

⁸ Mbarake yamba kuli Debola ngwenyi, Nyi yena muoya ni yami, munguya, alioze nyi kwayile ni yami, chichi kuya.

⁹ Iye yamba ngwenyi, Pundu munguya ni yena, hindu jila unayi kuyichi kupwa ya ulemu kuli yena, mumu Yehova malanjisa Sisera ku kwoko Ha pwo. Mba Debola yakatuka, yaya ni Mbarake ku Kendeshe.

¹⁰ Mbarake yasanyika A-Zapulone ni A-Napatali eze ku Kendeshe mba kumi Ha tununu twa malunga amukawile. Debola wayile hamwe nenyi.

¹¹ Hepere Ka-Kene iye te halihandununa ni A-Kene aze asemukine kuli Hobabe tatoweno wa Mose. Hajika mbalaka yenyi kusuku kwe ku mutondo wa carvalho ku Zananime hakamwihi ni Kendeshe.

¹² Muze Sisera hevwa ngwo, Mbarake mwana wa Abinoame haya ku mulundu wa Tabore,

¹³ Sisera yasanyika matemba jenyi eswe a jita, kulakaji livwa a matemba-a-jita a utale ni malunga eswe apwile hamwe nenyi, chize ku Harosete-Hagoimi ndo ku lwiji wa Kishone.

¹⁴ Debola yamba kuli Mbarake ngwenyi, Hikatukenu, mumu lino He tangwa Yehova makunjika Sisera mu kwoko He. Te Yehova kayile kulutwe lienu? Chocho Mbarake yapalumukina ku mulundu wa Tabore ni kumi Ha tununu a malunga aze amukawile.

¹⁵ Mba Yehova wahumine Sisera ni matemba jenyi eswe ni tujita twenyi eswe kumeso ja Mbarake ni tutana twenyi. Sisera yasunuka ku temba lienyi, yachina hashi.

¹⁶ Mbarake yahangila tujita ni matemba jo ndo ku Harosete-Hagoimi. Tujita eswe a Sisera afwile ni tutana. Kukwasalile chipwe umuwika.

¹⁷ Alioze Sisera yachinyina hashi ku mbalaka ya Jaele pwo lia Hepere Ka-Kene, mumu kwapwile sambukila hakachi ka Jabini mwanangana wa Hazore ni akwa Hepere Ka-Kene.

¹⁸ Jaele yatuhuka mukupatwiza Sisera. Yamba ngwenyi, Jinga ku kuno, mwata. Tweya kuli yami. Kanda wivwa woma. Chocho yeza kuli iye mu mbalaka mba yamufuka ni kanyime.

¹⁹ Sisera yamba kuli iye ngwenyi, Penu amwe meya a kunwa. Pwila ngunevu. Chocho yajikula tuku ya yamwa, yamwaha ya kunwa, yamufuka nawa.

²⁰ Sisera yamba kuli iye ngwenyi, Mana mu chikolo cha mbalaka. Nyi umwe meza kukuhula ngwenyi, Umwe mutu ulimo? Muwamba ngwe, Ka.

²¹ Alioze Jaele pwo lia Hepere wanjile lumbambo wa mbalaka; yakwata muhato mu kwoko Henyi; yaya kuli iye makokemakoke yamuhachila lumbambo mu mbalangwe ndusu mu mavu te mu tulo anji ali, mumu jamuhwa. Chocho yafwa.

²² Shimbu Mbarake machikaula Sisera, Jaele yatuhuka mukumupatwiza. Yamba kuli iye ngwenyi, Tweya ngukulweze yoze unafupu. Chocho yamutwala mu mbalaka yenyi yamona Sisera kanapombo ni lumbambo ndusu mu mbalangwe; hafwa.

²³ Chocho ha tangwa lize Zambi yapokwesa Jabini mwanangana wa Kanana kumeso ja A-Izalele.

²⁴ Mba A-Izalele yashata Jabini mwanangana wa Kanana nikuweza tachi tangwa ha tangwa ndo hamujima lume.