2 Korintu 13 - MUKANDA USANDU WA ZAMBI 1975

¹ Chisuho chino chamuchitatu mungwiza kuli yenu. Mu makanwa ja yela aali hanji atatu maliji eswe makakola.

² Nambile Shimbu-kanda, ngunambe shimbu kanda ngwiza, chizechene ngwe muze napwile hamwe ni yenu chisuho chamuchiali, chocho haliapwila, se chishiko, kuli waze hanavulumuna kunyima, ni kuli akwo eswe ngwami, Kachi mungwiza cheka nawa, kachi chichi kanuvwila keke;

³ se nunafupu chinyingi cha Kristu yoze wakuhanjika muli yami; yoze kuli yenu hi mulelu ko, alioze mukwa tachi muli yenu.

⁴ Mumu amuliachilile ha kulusu mu ulelu, hindu katwama ni mwono ku tachi ja Zambi. Mumu yetu nawa tunalele muli iye, alioze kumutukatwama ni mwono hamwe nenyi ku tachi ja Zambi kuli yenu.

⁵ Liesekenu yenwene kachi nuli mu Ufulielo; sololenu chinyingi hali yenwene. Kuma, kunwanyingikine yenwene, Yesu Kristu mwali muli yenu shina chamwenemwene nwapwa yisáshili, nyi?

⁶ Alioze nakutalatala nunyingike yetu hi tuli yisáshili ko.

⁷ Achi, twakulemba kuli Zambi ngwetu, Kanda nulinga chipi nichimwe; kuchapwile ngwe tukasoloke akwa Shindakenyo, ka, alioze hanga yenu nukalinge chize Chinalulama, chipwe yetu tukapwe ngwe yisáshili.

⁸ Mumu kutwahashile kulinga nichimwe cha kulimika ni umwenemwene, alioze ndo nikulita ni umwenemwene.

⁹ Mumu twakuwahilila muze mutulela, ni yenu munupwa ni tachi: chino nawa twakulembela ngwetu, Nukapwe a muwundu.

¹⁰ Ha chikuma chino ngunasoneka yino yuma shimbu chishiko, hanga muze mungupwa hamwe ni yenu chichi kanwambila maliji akalu, nikulita ni chiyulo chize hanangwehe Mwene mukukolesa, hi mukupuzula ko.

¹¹ Ha kusula, mandumbu, wahililenu. Pwenu angunu; lilembejekenu; pwenu ni kunyonga chimuwika; pwenu ni sambukila: ni Zambi ya zango ni sambukila kumakapwa hamwe ni yenu.

¹² Limenekenu umwe ni mukwo ni mukwo ni mbeju yisandu.

¹³ Asandu eswe kananumeneka.

¹⁴ Vumbi lia Mwene Yesu Kristu, ni zango lia Zambi, ni kuliendela cha Spiritu Musandu chikapwe hamwe ni yenu eswe.