1 Sango Ja Mianangana 4 - MUKANDA USANDU WA ZAMBI 1975

¹ Ana ja Yunda a malunga wano: Pereze, ni Hezerone, ni Kame, ni Hure, ni Shobabe.

² Reaia mwana Shobabe yasema Jahate. Jahate yasema Ahumai, ni Lahande. Wano yisemuko ya A-Zarea.

³ Ana ja malunga a tato ya Etame wano: Yezerele, ni Ishima, ni Idebashe. Jina lia ndumbwo Hazeleponi;

⁴ Penwele te tato ya Gedore, ni Ezere tato ya Husha. Wano e ana ja Hure a malunga, mwana mutangu wa Efrata tato ya Mbeteleme.

⁵ Ashure tato ya Tekoa wapwile ni mapwo aali Hela ni Nara.

⁶ Nara yasema Ahuzame, ni Hefere, ni Temeni, ni Hahasatari. Wano te ana ja Nara a malunga.

⁷ Ana ja Hela a malunga wano: Zerete, ni Izehare, ni Etenane.

⁸ Koze yasema Anube, ni Zobeba ni yisemuko ya Aharahele mwana Harume.

⁹ Jabeze wapwile ni ulemu helu lia ayayo. Naye yamuluka jina Jabeze mumu ngwenyi, Ni chinyengo namusemene.

¹⁰ Jabeze yatambika ha jina lia Zambi ya Izalele ngwenyi, Nguwahisenu pundu ni kutohesa njiza yami. Kwoko lie likapwe hamwe ni yami ungufunge ku yipi; kanda yinguvwisa chinyengo. Mba Zambi walingile chize wechile.

¹¹ Chelube yayo ya Shua yasema Mehire, tato ya Esetone.

¹² Esetone yasema Mbete-Rafa, ni Pasea, ni Tehina tato ya Ire-Nahase. Wano te malunga a Reka.

¹³ Ana ja Kenaze a malunga wano: Oteniele, ni Seraia. Ana ja Oteniele a malunga wano: Hatate.

¹⁴ Meonatai yasema Ofra. Seraia yasema Joabe tato ya Ngeharashime mumu o te yilangaji.

¹⁵ Ana Ja Kalemba a malunga, mwana Yefune wano: Iru, ni Ela, ni Name. Ana ja Ela a malunga wano: Kenaze.

¹⁶ Ana ja Jehalelele wano: Zife, ni Zife, ni Tiria, ni Asarele.

¹⁷ Ana ja Ezera wano: Jetere, ni Merede, ni Efwe, ni Jalone. Yasema nawa Miriame, ni Shamai, ni Isheba tato ya Eshetemo.

¹⁸ Pwo lienyi Jehudija yasema Jerede tato ya Gedore, ni Hepere tato ya Socho, ni Jekutiele tato ya Zanoa. Wano ana ja malunga a Mbitia mwana wa pwo wa Falau yoze Merede wambachile.

¹⁹ Ana a malunga a pwo lienyi Hodia, ndumbu ya Nahame tato ya Kela Ka-Ngarmite ni Eshetemo Ka-Makata.

²⁰ Ana ja Shimone a malunga wano: Amnone, ni Rina, ni Mbene-Hanane, ni Tilone. Ana ja Ishi a malunga wano: Zohete ni Mbene-Zohete.

²¹ Ana ja malunga a Shela mwana Yunda wano: Ere tato ya Leka, ni Lada tato ya Maresa ni yisemuko ya munyachi wa waze alingile mahina a linyu, ni ya munyachi wa Ashebea,

²² ni Jokime, ni malunga a Chozeba, ni Njoashe, ni Sarafa yoze wayulile mu Moape, ni Yasupe-Leheme. Yisoneko yino te ya kushi chikolo.

²³ Wano apwile tengi, waze atwamine hakachi ka Netame ni Gedera. Kwenako atwamine hamwe ni mwanangana nikumulingila.

²⁴ Ana ja Simeone a malunga wano: Nemule, ni Yamine, ni Jaripe, ni Zera, ni Shalo.

²⁵ Mwanenyi Shalume, ni mwanenyi Misame, ni mwanenyi Mishama.

²⁶ Ana ja Mishama a malunga wano: mwanenyi Hamuele, ni mwanenyi Zakure, ni mwanenyi Shimei.

²⁷ Shimei wapwile ni kumi lia ana-malunga ni ana-malunga asambano, ni ana-mapwo asambano. Alioze ayayo te kapwile ni ana anji chipwe yisemuko yo yeswe kuyokele chikolo ngwe A-Yunda.

²⁸ O atwamine ku Mbia-shipa, ni ku Molada, ni ku Haza-Shuale,

²⁹ ni ku Mbila, ni ku Ezeme, ni ku Tolade,

³⁰ ni ku Mbetule, ni ku Horoma, ni ku Zikalage,

³¹ ni ku Mbete-Markabo, ni ku Hazare-Suza, ni ku Mbete-Mbiri, ni ku Sharaime. Membo jo wano ndo ku kuyula cha David.

³² Yihunda yo yino: Etame, ni Ayine, ni Rimone, ni Tochene, ni Ashane, membo atano,

³³ ni yihunda yo yeswe ya kwajingilika ndo ku Mbale. Yino yihunda yo ya kutwamamo ni yisemuko yo.

³⁴ Meshobabe, ni Jameleke, ni Josha mwana Amazia,

³⁵ ni Joele, ni Jehu mwana Josibia, mwana Seraia, mwana Asiele,

³⁶ ni Elionai, ni Jakoba, ni Jeshohaia, ni Asaia, ni Adiele, ni Jesimiele, ni Benaia,

³⁷ ni Ziza mwana Shifi, mwana Alone, mwana Jedaia, mwana Shimiri, mwana Shemaia.

³⁸ Wano hanaatongola ku majina jo te alemu mu yisemuko yo. Minyachi ya atato okele chikolo.

³⁹ Ayile ndo ku unjililo wa Gedore ndusu ndo ku chikulo ku sali lia Chivumbuko akafupile yendo ya yimuna jo kelo.

⁴⁰ Awanyine kelo jinji jipema. Chifuchi te chatohele, chahwimine, chapwile ni sambukila. Mumu A-Hame atwamineko miaka ya kushi.

⁴¹ Wano hanasoneka majina jo ejile ha matangwa ja Hezekia mwanangana wa A-Yunda nikupupa mbalaka ni A-Meunime waze awanyineko. Yaanongesa liakulu ndo musono. Yaasalakana mu chifuchi mumu awanyineko kelo ha yimuna jo.

⁴² Amwe hakachi ko ngwe kulakaji atano a malunga, A-Simeone ayile ku mulundu wa Sere, tupitau two wano: Pelatia, ni Nearia, ni Refaia, ni Uziele ana ja Ishi a malunga.

⁴³ Masalila ja A-Amaleke waze achinyine o aashihile mba yatwamako ndo musono.