1 Sango Ja Mianangana 2 - MUKANDA USANDU WA ZAMBI 1975

¹ Ana a Izalele a malunga wano: Rupene, ni Simeone, ni Levi, ni Yunda, ni Isaka, ni Zapulone,

² ni Ndane, ni José, ni Mbenjamine, ni Napatali, ni Ngate, ni Ashe.

³ Ana ja Yunda a malunga wano: Ere, ni Onane, ni Shela. Wano atatu waasemene ni Mbate-Shua Ka-Kanana. Ere mwana mutangu wa Yunda, wapwile chingulungulu kumeso ja Yehova, kashika yamushiha.

⁴ Yunda yasema ni tembwa-mwanenyi Tama, Pereze ni Zera. Ana-malunga eswe a Yunda te atano.

⁵ Ana ja Pereze a malunga wano: Hezerone ni Hamuli.

⁶ Ana ja Zera a malunga wano: Zimiri, ni Etane, ni Hemane, ni Kalekole, ni Ndara: eswe te atano.

⁷ Ana ja Kame a malunga wano: Akare, mukwa kupinjisa A-Izalele ha kwanda chize hanachijilila ha kwonwona.

⁸ Ana ja Etane a malunga wano: Azaria.

⁹ Ana a Hezerone a malunga asemene wano: Jeramila, ni Rame, ni Chelubai.

¹⁰ Rame yasema Aminandambe; Aminandambe yasema Nasone mwata wa A-Yunda.

¹¹ Nasone yasema Salamone; Salamone yasema Mboaze;

¹² Mboaze yasema Opete; Opete yasema Yese;

¹³ Yese yasema mwanenyi mutangu Eliape, ni wamuchiali Abinadambe, ni wamuchitatu Shima,

¹⁴ ni wamuchiwana Netanele, ni wamuchitano Rada,

¹⁵ ni wamuchisambano Ozeme, ni wamuchishimbiali David;

¹⁶ mandumbu jo Zeluia, ni Abigale. Ana ja Zeluia a malunga wano: Abishai, ni Joabe, ni Asahele, atatu.

¹⁷ Abigale yasema Amasa. Tato ya Amasa, Jetere Ka-Ishemali.

¹⁸ Kalemba mwana Hezerone yasema ni Azuba pwo lienyi, ni Jeriote. Ana jenyi a malunga wano: Jesere, ni Shobabe, ni Aredone.

¹⁹ Yafwa Azuba mba Kalemba yambata Efrata; yasema nenyi Hure.

²⁰ Hure yasema Uri; Uri yasema Mbezalele.

²¹ Muze Hezerone wapwile ni makumi asambano a miaka yambata mwana wa Makire, tato ya Ngiliate; yasema nenyi Segubu.

²² Segubu yasema Njaire. Iye wapwile ni makumi aali a yihunda ni yihunda atatu mu chifuchi cha Ngiliate.

²³ Ngeshure ni Arame yatambula kuli ayo membo a Njaire hamwe ni Kenate ni yihunda yako, te makumi asambano. Wano eswe ana ja malunga a Makire tato ya Ngiliate.

²⁴ Kulutwe lia kutwa cha Hezerone mu Kalemba-Efrata, pwo lienyi Abija yasema Ashure, tato ya Tekoa.

²⁵ Ana ja Jeramila a malunga, mwana mutangu wa Hezerone wano: mutangu Rame, ni Buna, ni Orene, ni Ozeme, ni Ahija.

²⁶ Jeramila wapwile ni pwo mukwo, jina lienyi Atara. Iye naye ya Oname.

²⁷ Ana ja Rame a malunga mwana mutangu wa Jeramila wano: Maze, ni Yamine, ni Ekere.

²⁸ Ana ja Oname a malunga wano: Shamai ni Jada. Ana ja Shamai a malunga wano: Nandambe ni Abishure.

²⁹ Jina lia pwo lia Abishure Abiale; yasema nenyi Abana, ni Molide.

³⁰ Ana ja Nandambe a malunga wano: Selede ni Apaime. Mba Selede yafwa, kasemene.

³¹ Ana ja Apaime a malunga wano: Ishi. Ana ja Ishi a malunga wano: Sheshane. Ana ja Sheshane a malunga wano: Ahalai.

³² Ana ja Jada a malunga mwanakwo wa Shamai wano: Jetere ni Jonatas. Jetere yafwa, kasemene.

³³ Ana ja Jonatas a malunga wano: Pelete ni Zaza. Wano ana ja malunga a Jeramila.

³⁴ Sheshane kapwile ni ana a malunga alioze ana a mapwo. Sheshane wapwile ni ndungo yenyi Ka-Engitu, jina lienyi Jaraha.

³⁵ Sheshane wahanyine mwanenyi wa pwo kuli Jaraha ndungo yenyi apwe pwo lienyi. Yasema nenyi Atai.

³⁶ Atai yasema Natane; Natane yasema Zabade,

³⁷ Zabade yasema Efalale. Efalale yasema Opete.

³⁸ Opete yasema Jehu. Jehu yasema Azaria.

³⁹ Azaria yasema Heleze. Heleze yasema Eleasa.

⁴⁰ Eleasa yasema Sisamai. Sisamai yasema Shalume.

⁴¹ Shalume yasema Jekamia. Jekamia yasema Elisama.

⁴² Ana ja Kalemba a malunga mwanakwo wa Jeramila wano: mwanenyi mutangu Mesha tato ya Zife; ni ana ja malunga a Maresa tato ya Heprone.

⁴³ Ana ja Heprone a malunga wano: Kora, ni Tapua, ni Rekeme, ni Shema.

⁴⁴ Shema yasema Rahame, tato ya Jorokoame. Rekeme yasema Shamai.

⁴⁵ Mwana wa lunga wa Shamai Mayone; Mayone tato ya Mbete-Zure.

⁴⁶ Efwa, *konkubina ya Kalemba yasema Harane, ni Moza, ni Ngazeze. Harane yasema Ngazeze.

⁴⁷ Ana ja Jahadai a malunga wano: Rejeme, ni Yotame, ni Ngeshame, ni Pelete, ni Efwa, ni Shafa.

⁴⁸ Maka, *konkubina ya Kalemba yasema Shebere ni Tirehana.

⁴⁹ Yasema nawa Shafa tato ya Madamana, ni Sheva tato ya Makebena, ni ya Ngibea. Mwana wa pwo wa Kalemba Aksa.

⁵⁰ Wano ana a malunga a Kalemba. Mwana Hure, mwana mutangu wa Efrata; Shopale tato ya Kiriate-Yerimi;

⁵¹ Salama tato ya Mbeteleme; Harefe tato ya Mbete-Ngadere.

⁵² Shopale tato ya Kiriate-Yerimi apwile ni ana a malunga wano: Haroe ni chihanda cha A-Manehate.

⁵³ Yisemuko ya Kiriate-Yerimi, ni A-Itri, ni A-Puhe, ni A-Shumate, ni A-Mishra; kuli wano kwakatukile A-Zarea, ni A-Esheteole.

⁵⁴ Ana ja Salama a malunga wano: Mbeteleme, ni A-Netofate, ni Atarote-Mbete-Joabe, ni chihanda cha A-Manehate, A-Zore.

⁵⁵ Yisemuko ya akwa kusonyeka waze atwamine ku Jabeze, ni A-Tirate, ni A-Shimeate, ni A-Sukate. Wano te A-Kene waze asemukine kuli Hamate, tato ya munyachi wa A-Rekabe.