Genesis 5 - Yak'usda Ooghuni

Adam Buzkehne

¹ Ndi ꞌudustlꞌus, Adam tsꞌu haindene ghun ꞌuntꞌoh. Yakꞌusda (Elohim) ndet dzin ꞌuyinla dzin, Yakꞌusda (Elohim) ndotꞌen yulhtsi.

² Dune ꞌinkꞌez tsꞌeke bulh ꞌubinla ꞌinkꞌez soo hoonzoo-un hubulhni ꞌinkꞌez yun ka duneꞌne ꞌubinla, dzin ꞌubinla-un.

³ ꞋInkꞌez Adam ꞌilho whunizyat whunizyat ꞌon ꞌat tat whunizyat (130) yus kꞌut khunaꞌ ꞌinkꞌez ooyeꞌ yundotꞌen-un ooyeꞌ suliꞌ, Seth yulhni.

⁴ Seth ooyeꞌ suliꞌ hukwꞌelhꞌaz, Adam lhkꞌu dit whunizyat whunizyai (800) be yus kꞌut hukwꞌelhꞌaz ꞌinkꞌez ooyeꞌke, ootseꞌke cha whuzdli.

⁵ Adam khunaꞌ ꞌuwhuldzoh hanaꞌ-un ꞌilho hooloh whunizyat whunizyai ꞌon ꞌat tat whunizyat (930) yus kꞌut khunaꞌ ꞌet dazsai.

⁶ Seth ꞌen ꞌilhoh whunizyat whunizyai ꞌinkꞌez kwulat be yus kꞌut (105) khunaꞌ whe Enosh ooyeꞌ suliꞌ.

⁷ Enosh ooyeꞌ suliꞌ hukwꞌelhꞌaz, Seth lhkꞌu dit whunizyai lhkꞌu dit ꞌon ꞌat lhtakꞌantꞌit (807) be yus kꞌut whe ooyeꞌke ꞌinkꞌez ootseꞌke cha whuzdliꞌ.

⁸ Seth ꞌilho hooloh whunizyat whunizyai ꞌon ꞌat ꞌilho hooloh ꞌinkꞌez ꞌon ꞌat nat be yus kꞌut (912) whe dazsai.

⁹ Enosh ꞌilho hooloh whunizyat (90) ꞌinkꞌez Cainan ooyeꞌ suliꞌ.

¹⁰ Cainan ooyeꞌ suliꞌ hukwꞌelhꞌaz lhkꞌu dit whunizyat whunizyai ꞌon ꞌat whunizyat ꞌon ꞌat kwulat (815) be yus kꞌut ꞌinkꞌez ooyeꞌke ꞌinkꞌez ootseꞌke cha whuzdliꞌ.

¹¹ Enosh yinka indaꞌ ꞌuwhulyiz-un ꞌilho hooloh whunizyat whunizyai ꞌinkꞌez kwulaiꞌ (905) be yus kꞌut whe dazsai.

¹² Cainan lhtakꞌantꞌit whunizyat (70) khanaꞌ ꞌinkꞌez Mahaleel ooyeꞌ suliꞌ.

¹³ Maheleel whuzdli hukwꞌelhꞌaz, Cainan lhkꞌu dit whunizyat whunizyai ꞌon ꞌat dit whunizyat (840) be yus kꞌut ꞌinkꞌez ooyeꞌke ꞌinkꞌez ootseꞌke cha whuzdliꞌ.

¹⁴ ꞋEt Cainan ꞌilho hooloh whunizyat whunizyai ꞌinkꞌez whunizyat (910) be yus kꞌut ꞌet dazsai.

¹⁵ Mahaleel lhkꞌu tat whunizyat ꞌon ꞌat kwulat (65) be yus kꞌut, ꞌinkꞌez Jared ooyeꞌ suliꞌ.

¹⁶ Jared whuzdli hukwꞌelhꞌaz Mahaleel lhkꞌu dit whunizyat whunizyai ꞌinkꞌez tat whunizyai (830) be yus kꞌut ꞌinkꞌez ooyeꞌke ꞌinkꞌez ootseꞌke cha whuzdliꞌ.

¹⁷ ꞋEt Mahaleel be yus kꞌut lhkꞌu dit whunizyat whunizyai ꞌinkꞌez ꞌilho hooloh ꞌinkꞌez kwulat (895) be yus kꞌut ꞌet dazsai.

¹⁸ Jared yun ka indaꞌ ꞌilho whunizyat whunizyai ꞌinkꞌez lhkꞌu tat whunizyat (162) be yus kꞌut ꞌinkꞌez nanki Enoch ooyeꞌ suliꞌ.

¹⁹ Enoch whuzdli hukwꞌelhꞌaz Jared lhkꞌu dit whunizyat whunizyai (800) be yus kꞌut nahítnaꞌ ꞌinkꞌez ooyeꞌke ꞌinkꞌez ootseꞌke cha whuhuzdliꞌ.

²⁰ Jared be yus kꞌut ꞌilho hooloh whunizyat whunizyai ꞌinkꞌez lhkꞌu tat ꞌinkꞌez nat (962) be yus kꞌut khanaꞌ ꞌinkꞌez dazsai.

²¹ Enoch lhkꞌu tat whunizyat ꞌinkꞌez kwulat (65) be yus kꞌut khanaꞌ ꞌinkꞌez Methuselah ooyeꞌ suliꞌ.

²² Methuselah whuzdli hukwꞌelhꞌaz Enoch Yakꞌusda (Elohim) bulh nusaꞌaz tat whunizyat whunizyai (300) be yus kꞌut ꞌinkꞌez ooyeꞌke ꞌinkꞌez ootseꞌke cha whuzdliꞌ.

²³ Enoch yun ka ꞌindaꞌ-un tat whunizyat whunizyai ꞌon ꞌat kwulat (365) be yus kꞌut ꞌet khanaꞌ.

²⁴ ꞋInkꞌez Enoch Yakꞌusda (Elohim) bulh nusaꞌaz ꞌinkꞌez hoolel, Yakꞌusda (Elohim) nayilhchoot huwa.

²⁵ Methuselah ꞌilho hooloh whunizyai whunizyat ꞌinkꞌez lhkꞌu dit whunizyat ꞌon ꞌat lhtakꞌantꞌit (187) be yus kꞌut khuna ꞌet Lamech ooyeꞌ whuzdliꞌ.

²⁶ Lamech whuzdli hukwꞌelhꞌaz, Methuselah lhtakꞌantꞌit whunizyai whunizyat ꞌinkꞌez lhkꞌu dit whunizyat ꞌon ꞌat nanki (782) be yus kꞌut whe khuna ꞌinkꞌez ooyeꞌke ꞌinkꞌez ootseꞌke cha whuzdliꞌ.

²⁷ ꞋEt Methuselah ꞌilho hooloh whunizyat whunizyai ꞌinkꞌez lhkꞌu tat whunizyat whunizyai ꞌinkꞌez lhkꞌu tat whunizyai ꞌon ꞌat ꞌilho hooloh (969) be yus kꞌut whe dazsai.

²⁸ Lamech ꞌen ꞌilhoh whunizyai whunizyat ꞌinkꞌez lhkꞌu dit whunizyat ꞌon ꞌat nanki (182) be yus kꞌut suliꞌ ꞌinkꞌez ꞌilhoghun ooyeꞌ suliꞌ.

²⁹ ꞋInkꞌez, Nowe be yoozi ꞌinkꞌez ꞌutni, “Ndun ꞌen si kꞌunenunooꞌah neye ꞌutꞌen ha ꞌinkꞌez neba be oogha tsꞌana-i, yun Moodihti (Yahweh) ye kꞌehanya ꞌet huwa”.

³⁰ Nowe yun ka neninya hukwꞌelhꞌaz kwulat whunizyat whunizyai ꞌinkꞌez ꞌilho hooloh whunizyai ꞌinkꞌez kwulat (595) be yus kꞌut suliꞌ ꞌet ooyeꞌke ꞌinkꞌez ootseꞌke cha whuhuzdliꞌ.

³¹ Lamech khanaꞌ nduwhulyiz-un lhtakꞌantꞌit whunizyai whunizyat ꞌinkꞌez lhtakꞌantꞌit whunizyat ꞌon ꞌat lhtakꞌantꞌit (777) be yus kꞌut ꞌet dazsai.

³² ꞋInkꞌez Nowe kwulat whunizyai whunizyat (500) be yus kꞌut whe Shem, Ham ꞌinkꞌez Japheth ꞌenne ooyeꞌke suliꞌ.