Genesis 36 - Yak'usda Ooghuni

Esau tsꞌu haindene

¹ Ndi ꞌi Esau tsꞌu haindene ghun, Edom huyulhni.

² Esau tsꞌekoo Canaan whutꞌenne butoh ꞌenne duꞌat eni hubilhchoot. Adah ꞌen Elon ootseꞌ, Hitt whutꞌen-un ꞌuntꞌoh, Aholibamah, Anah ootseꞌ Zebeon, Hiv whutꞌen-un ꞌen ootseꞌ,

³ ꞌinkꞌez Basemath, Ishmael ootseꞌ, Nabajoth bulhtus.

⁴ ꞋEt Adah, Eliphaz yulhtsi, Esau ghu yulhtsi ꞌinkꞌez Basemath, Reuel sulhtsi.

⁵ ꞋInkꞌez Aholibamah, Jeush sulhtsi, Jalam ꞌinkꞌez Korah cha, ꞌen Esau ooyeꞌke, Canaan yun kꞌut whutꞌi whe.

⁶ ꞋEt Esau duꞌatke, duyeꞌke, dutseꞌke ꞌenne mbene la yuyoh whutꞌine, tsꞌiyawh musdoos cha ꞌinkꞌez khuna-i, ndai la yutꞌi-i oogha ininde-i Canaan okhi yilhchoot ꞌinkꞌez dulhutsin Jacob yughu whenya.

⁷ Ndai la huyutꞌi-i sdabe ꞌonus lhai suliꞌ, ꞌaw lhzih huhootꞌeꞌ ꞌaitꞌoh ꞌinkꞌez nyo yun tꞌe honuszun-un huwhutꞌi-un ꞌet cha ꞌaw nahultꞌoh hikꞌu huna-i ꞌuhoolhꞌen ꞌaitꞌoh, khuna-i lhai hutꞌi kꞌet.

⁸ ꞋInka Esau ꞌen Dzulh Seir ꞌet whutꞌi, Esau ꞌen Edom ꞌuntꞌoh.

⁹ ꞋInkꞌez ndi ꞌi Esau tsꞌu haindene Edom whutꞌenne bubá, Mount Seir huwhutꞌi.

¹⁰ Ndi ꞌi Esau ooyeꞌke bubooziꞌ, Eliphaz, Adah ooyaz Esau ooꞌat ꞌinkꞌez Reuel, Basemath, Esau ooꞌat cha.

¹¹ ꞋInkꞌez Eliphaz ooyeꞌke, ꞌenne Teman, Omar, Zeph, Gatam ꞌinkꞌez Kenaz.

¹² ꞋEt Timna ꞌen Eliphaz ooꞌat ꞌen yugha nyus ꞌuntꞌoh, ꞌen Esau ooyeꞌ, ꞌinkꞌez ꞌen Amelek yughu sulhtsi, ꞌenne Adah, Esau ooꞌat buzkeh.

¹³ Ndunne ꞌenne Reuel ooyeꞌke: Nehath, Zerah, Shammah ꞌinkꞌez Mizzah. ꞋEnne Basemath Esau ooꞌat buzkeh.

¹⁴ Ndunne ꞌenne Aholibamah ooyeꞌke, Esau ooꞌat, Anah ootseꞌ, Zibeon ootseꞌ. ꞋEn Esau, Jeush, Jalam ꞌinkꞌez Korah ꞌen yughu bulhtsi.

¹⁵ Ndunne ꞌenne Esau ooyeꞌke moodih hubuhilhꞌi, Eliphaz ooyeꞌke, Esau ꞌudechoo ooyeꞌ inleꞌ, ꞌen dayi Teman, dayi Omar, dayi Zepho ꞌinkꞌez dayi Kenaz,

¹⁶ dayi Korah, dayi Gatam ꞌinkꞌez dayi Amalek. ꞋEnne Eliphaz oodayi hinli, Edom yun kꞌut. ꞋEnne Adah ootsꞌu hainzutne ꞌuhintꞌoh.

¹⁷ Ndunne ꞌenne Reuel ooyeꞌke, Esau ooyeꞌ: dayi Nahath, dayi Zerah, dayi Shammah ꞌinkꞌez dayi Mizzah. ꞋEnne Reuel oodayi Edom yun kꞌut ndunne ꞌenne Basemath Esau ooꞌat buzkeh.

¹⁸ Ndunne ꞌenne Aholibamah Esau ooꞌat buzkeh: dayi Jeush, dayi Jalam ꞌinkꞌez dayi Korah ꞌenne Aholibamah tsꞌu ha hande Esau ooꞌat, Anah ootseꞌ.

¹⁹ Ndunne ꞌenne Esau ooyeꞌke Edom ꞌuntꞌoh, ꞌinkꞌez ndunne ꞌenne budayi hanleꞌ.

Seir ooyeꞌke

²⁰ Ndunne ꞌenne Seir, Hor whutꞌi-un ooyeꞌke ꞌenne ndi yun kꞌut huwhutꞌi: Lotan, Shobal, Zibeon ꞌinkꞌez Anah,

²¹ Dishon, Ezar ꞌinkꞌez Dishan. ꞋEnne Hor whutꞌenne budayi, Seir ooyeꞌke Edom yun kꞌut.

²² ꞋInkꞌez Lotan ooyeꞌke: ꞌenne Hori ꞌinkꞌez Heman, Lotan bulhtus ꞌen Timna huyulhni.

²³ Ndunne ꞌenne Shobal ooyeꞌke: Alvan, Manahath, Ebal, Shepho ꞌinkꞌez Onam.

²⁴ Ndune ꞌenne Zibeon ooyeꞌke: Aiah ꞌinkꞌez Anah bulh, ndun Anah ꞌen ꞌuja chuntoh duba donkey nulhyeh whe too kꞌet nahoonꞌai.

²⁵ Ndunne Anah buzkeh: Dishon ꞌinkꞌez Aholibamah, Anah ootseꞌ.

²⁶ Ndunne ꞌenne Dishon ooyeꞌke: Hemdan, Eshban, Ithran ꞌinkꞌez Cheran.

²⁷ Ndunne ꞌenne Ezer ooyeꞌke: Bilhan, Zaavan ꞌinkꞌez Akan.

²⁸ Ndune ꞌenne Dishan ooyeꞌke: Uz ꞌinkꞌez Aran.

²⁹ Ndune ꞌenne Hor whutꞌenne whudayi: dayi Lotan, dayi Shobal, dayi Zibeon, dayi Anah,

³⁰ dayi Dishon, dayi Ezer, ꞌinkꞌez Dishan, ꞌenne Hor whutꞌenne whudayi hinli, Seir yun kꞌut ꞌet.

Edom budayi cho

³¹ ꞋEt ndunne ꞌenne lerwene Edom yun kꞌut ꞌet hudaltsꞌiꞌ, ꞌaw Israel buzkeh whutsodaꞌne bulerwe hooloh.

³² Bela, Beor ooyeꞌ Edom ꞌet whulerwe inleꞌ, ꞌet nyo keyoh whuti ꞌet Dinhabah huwhutni.

³³ ꞋInkꞌez Bela dazsai whe Jobab, Zerah, Bozrah whutꞌen-un ooyeꞌ, ꞌen lerwe inleꞌ yukꞌedanya.

³⁴ ꞋEt Jobab dazsai whe Teman whutꞌenne bulerwe Husham huyulhni, ꞌen yukꞌedanya.

³⁵ ꞋEt Hasham dazsai whe Hadad, Bedad ooyeꞌ ꞌen la Midian neninya whe whelhonigan Moab yun kꞌut, haꞌ nuyeh-un, whe hubuchꞌaꞌ nilhde, ꞌen yukꞌedanya nyo ꞌet keyoh Avith huwhutni.

³⁶ ꞋEt Hadad dazsai whe Samlah, Masrekah whutꞌen-un, ꞌen yukꞌedanya.

³⁷ ꞋInkꞌez Samlah dazsai whe Saul, Rehoboth-ꞋUkoh-Taba whutꞌen-un, ꞌen yukꞌedanya.

³⁸ ꞋEt Saul dazsai whe Baal-Hanaan, Achbor ooyeꞌ ꞌen yukꞌedanya.

³⁹ ꞋEt Baal-Hanaan, ꞋAchbar ooyeꞌ, dazsai whe Hadar ꞌen yukꞌedanya. Nyo ꞌet keyoh ꞌet Pau huwhutni. Ooꞌat booziꞌ ꞌi Mehetabal, Matred ootseꞌ ꞌen Mezahab ootseꞌ ꞌuntꞌoh.

Esau oodayiꞌne

⁴⁰ Ndi ꞌi Esau oodayine bubooziꞌ ntsꞌenꞌa lah didohne ꞌinkꞌez huwhutꞌine bubooziꞌ: dayi Timnah, dayi Alvah, dayi Jetheth,

⁴¹ dayi Aholibamah, dayi Elah, dayi Pinon,

⁴² dayi Kenaz, dayi Teman, dayi Mibzar,

⁴³ dayi Magdiel, ꞌinkꞌez Iram. ꞋEnne Edom whudayi ꞌinkꞌez nyo yun kꞌut huwhutꞌine ꞌinkꞌez buchꞌeꞌ cha, Esau ꞌen Edom whutꞌenne bubá ꞌuntꞌoh.