Genesis 10 - Yak'usda Ooghuni

Nowe tsꞌu haindene

¹ Ndunne ꞌenne Nowe ooyeꞌke tsꞌu haindene Shem, Ham ꞌinkꞌez Japheth, tsꞌiyawh buyeꞌke whuzdliꞌ dutadiltꞌo hukwꞌelhꞌaz.

² Japheth buzkeh dunene, Gomer, Magog, Madai, Javan, Tubal, Meshech ꞌinkꞌez Tiras.

³ Gomaer buzkeh dunene, Ashkenaz, Riphath, ꞌinkꞌez Togarmah.

⁴ Javan buzkeh dunene, Elishah, Tarshish, Kittim, ꞌinkꞌez Dodanim.

⁵ Ndunne ꞌenne yatoo ba ꞌudun keyoh whutꞌenne buchꞌoh nehunindil didutchꞌoh duyun mbene la ꞌilho khuni be za yalhdukne ꞌinkꞌez dahintꞌoh la lhelhdoh hudidoh ꞌenne ꞌoh huwhutꞌi.

⁶ Ham buzkeh ꞌenne dunene, Cush, Misraim, Put, ꞌinkꞌez Canaan ꞌuhantꞌe.

⁷ Cush buzkeh ꞌenne dunene, Seba, Havilah, Sabtah, Raamah, ꞌinkꞌez Sabtechah. Raamah buzkeh ꞌenne dunene, Sheba ꞌinkꞌez Dedan ꞌuhantꞌe.

⁸ Cush ꞌen Nimrod ooyeꞌ suliꞌ, ꞌinkꞌez Nimrod tube ulhtus ndi yun kꞌut neninya.

⁹ ꞋEn ꞌuntꞌoh Moodihti (Yahweh) bunalh soo tube cho ꞌukaꞌ ꞌutꞌen-un unli. ꞋEt huwa ꞌuwhutni, “Nimrod kꞌunꞌa Moodihti (Yahweh) bunalh soo tube cho ꞌukaꞌ ꞌutꞌen-un unli.”

¹⁰ ꞋUdechoo whulerwe suliꞌ-un, ꞌen Babel, Erech, Accad ꞌinkꞌez Calneh, Shinar yun kꞌut.

¹¹ ꞋEt yun whutsꞌun Assyria ꞌinkꞌez Nineveh huwhutni-un ꞌet cha ꞌuhoonla, Rehoboth Ir ꞌinkꞌez Calah.

¹² ꞋInkꞌez Resen, Nineveh ꞌinkꞌez Calah whulheguz, ꞌet ꞌudechoo keyoh whuti.

¹³ Mizraim buyeꞌke, ꞌenne Lud whutꞌenne, Anam whutꞌenne, Lehob whutꞌenne, Naphtu whutꞌenne,

¹⁴ Pathrus whutꞌenne, ꞌinkꞌez Casluh whutꞌenne, ꞌenne Philistinene ꞌinkꞌez Caphtor whutꞌenne ha hande.

¹⁵ Canaan ꞌen Sidon, ꞌudechoo ooyeꞌ yuzdliꞌ, ꞌinkꞌez Heth;

¹⁶ Jebus whutꞌenne, Armor whutꞌenne, ꞌinkꞌez Girgash whutꞌenne cha,

¹⁷ ndunne Hiv whutꞌenne, Ark whutꞌenne, ꞌinkꞌez Sin whutꞌenne cha,

¹⁸ ndunne Arvad whutꞌenne, Zemar whutꞌenne, ꞌinkꞌez Hanath whutꞌenne cha. ꞋEt hukwꞌelhꞌaz Canaan tsꞌu haindene ꞌenne lhelhtsꞌun yahandil.

¹⁹ Canaan whutꞌenne whukeyoh whuban ꞌet Sidam, Girard tsꞌu wheti-un Gaza ꞌuwhuldzoh, Sodom tsꞌu wheti-un Gomorrah, Admah, Zeboim, Lasha tsꞌe ꞌuwhuldzoh.

²⁰ Ndunne, ꞌenne Ham ooyeꞌke tsꞌu haindene cha ꞌilho khuni be yahulhduk ꞌinkꞌez duyun ꞌinkꞌez ꞌilhoh hudidoh.

²¹ Shem ꞌen cha oobuzkeh whuzdliꞌ, Eber buzkeh, ꞌen ooba. Bulhutsin Japheth ꞌudetso whudilhdzulh-un.

²² Shem ooyeꞌke, ꞌenne Elam, Assur, Arphaxad, Lud, ꞌinkꞌez Aram.

²³ Aram ooyeꞌke, ꞌenne Uz, Hul, Gether, ꞌinkꞌez Mash.

²⁴ Arphaxad ꞌen Shelah ooyeꞌ ꞌuntꞌoh, ꞌinkꞌez Shelah ꞌen ooyeꞌ Eber ꞌuntꞌoh.

²⁵ Eber ooyeꞌke nane hinli. ꞋIlhoghun boozi ꞌen Peleg. ꞋEn khuna daꞌ ndi yun kꞌut lhtsꞌe hooltsꞌut ꞌet huwa. ꞋInkꞌez bulhutsin, ꞌen Joktan tsꞌutni.

²⁶ Joktan ooyeꞌke ꞌenne Almodad, Sheleph, Hazarmaveth, Jerah,

²⁷ Hadoram, Uzal, Diklah,

²⁸ Obal, Abimael, Sheba,

²⁹ Ophir, Havilah, ꞌinkꞌez Jobab. ꞋEn tsꞌiyawh Joktan ooyeꞌke ꞌuhintꞌoh.

³⁰ Ndet la huwhutꞌi-un, Mesha, Sephar tsꞌu wheti-un ndaꞌ dzulh hoonli ꞌet huwhutꞌi.

³¹ ꞋEnne Shem ooyeꞌke tsꞌu haindene cha, ꞌilho khuni yahulhduk. ꞋIlho hudidoh whe ꞌilhoh huwhutꞌi.

³² Ndunne ꞌenne Nowe ooyeꞌke tsꞌu haindene ꞌenne tsꞌiyawh lhkꞌehidil ndi yun kꞌut too whuzdliꞌ hukwꞌelhꞌaz. ꞋInkꞌez ꞌilhoh huwhutꞌi ndi yun kꞌut lhelhdoh ꞌuhoontꞌoh.