Matteu 1 - Lu Santu Vanghielu di Ghiesù Cristu Secondu Matteiu 1861

CAP. I.

¹ Libru di la ghienerazione di Ghiesù Cristu figliolu di Davidde, figliolu d’ Abramu.

² Abramu ghienerò ad Isaccu. Isaccu ghienerò a Ghiacobbe. Ghiacobbe ghienerò a Ghiuda, ed a li so’ fratelli.

³ Ghiuda ebbe di Tamar Fares, e Zara. Fares ghienerò ad Esron. Esron ghienerò ad Aram.

⁴ Aram ghienerò ad Aminadab. Aminadab ghienerò a Naasson. Naasson ghienerò a Salmon.

⁵ Salmon ebbe di Raab Booz. Booz ebbe di Rut Obed. Obed ghienerò a Iesse. Iesse ghienerò a lu re Davidde.

⁶ Lu re Davidde ebbe Salumone di quella, ch’ era stata la moglie d’ Uria.

⁷ Salumone ghienerò a Roboamu. Roboamu ghienerò ad Abia. Abia ghienerò ad Asa.

⁸ Asa ghienerò a Ghiusafatte. Ghiusafatte ghienerò a Ioram. Ioram ghienerò ad Ozia.

⁹ Ozia ghienerò a Ghioatam. Ghioatam ghienerò ad Acaz. Acaz ghienerò ad Ezechia.

¹⁰ Ezechia ghienerò a Manasse. Manasse ghienerò ad Amon. Amon ghienerò a Ghiosia.

¹¹ Ghiosia ghienerò a Ghieconia, ed a li so’ fratelli, quandu passonu in Babilonia.

¹² E dopu la trasmigrazione di Babilonia: Ghieconia ghienerò a Salatiel. Salatiel ghienerò a Zorobabel.

¹³ Zorobabel ghienerò ad Abiud. Abiud ghienerò ad Eliacim. Eliacim ghienerò ad Azor.

¹⁴ Azor ghienerò a Sadoc. Sadoc ghienerò ad Achim. Achim ghienerò ad Eliud.

¹⁵ Eliud ghienerò ad Eleazar. Eleazar ghienerò a Matan. Matan ghienerò a Ghiacobbe.

¹⁶ Ghiacobbe ghienerò a Ghiuseppe sposu di Maria, di la quale è natu Ghiesù, chiamatu Cristu.

¹⁷ Adunque da Abramu insinu a Davidde sonu in tuttu quattordici ghienerazioni: da Davidde insinu a la trasmigrazione in Babilonia, quattordici ghienerazioni: e da la trasmigrazione di Babilonia insinu a Cristu, quattordici ghienerazioni.

¹⁸ La nascita di Ghiesù Cristu fu in questu modu: La so mamma Maria essendu stata spusata da Ghiuseppe, s’ accorse, ch’ ell’ era gravida di lu Spiritu santu prima che stessinu inseme.

¹⁹ Adunque Ghiuseppe u so maritu, ch’ era un omu ghiustu, nun vulendu sponala a l’ infamia, dicise di mandalla via segretamente.

²⁰ Mentre ch’ ellu stava in stu penseru, li cumparve in sonnu un agnulu di lu Signore, dicenduli: Ghiuseppe figliolu di Davidde, piglia pure a Maria la to moglie: perchè ciò, che è natu in ella, è l’ opara di lu Spiritu santu.

²¹ Ella parturirà d’ un figliolu, che chiamarè Ghiesù: perchè sarà ellu, che libararà lu so populu da li so’ peccati.

²² Tuttu questu è statu fattu per riempì quellu, che ha dettu lu Signore per bocca di lu prufeta dicendu:

²³ Eccu la verghine, che aurà in panza un figliolu, e lu parturirà: e lu chiamarannu per nome Emanuele, che vo dì: Lu Signore è cun noi.

²⁴ Adunque svegliatusi Ghiuseppe da lu so sonnu, fece come l’ avia dettu l’ agnulu di lu Signore, e si pigliò la so moglie.

²⁵ Ed ellu nun la cunuscia, fintantu ch’ ella parturì di lu so figliolu primughienitu: e per nome lu chiamò Ghiesù.