Zacarías 9 - Cofán: Chiga Tevaen'jen

Israel na'su jai'ngae jiya'cho

⁹ ¡Ñoa'me avujatssi'faja Zión aindeccu! ¡Avujatsse settapoen'faja Jerusalén'su aindeccu! Que'i na'su tsu que'inga jiña; ñotsse mandapa ccushaen'su tsu. Tsa'ma patsumbe'yi tsu boro du'shunga dyaipa jiña. Nane boro pushe isu'chonga tsu dyaipa jiña.

¹⁰ Jipa tsu Efraín (israendeccu) gera caroma nepiaña. Jerusaléni'su (judándeccu) gera cavayoma'qque itsapa gera battittianccuma'qque u'ccaya. Poi andeni “¡Opatsse canse'faja!” qquen mandapa tsu fae mar'ye faesu marnga mandaya. Nane Eufrates naene sefacco já ccutsuni tsu mandaya.