Salmos 97 - Cofán: Chiga Tevaen'jen

¡Na'su Chigaja ñoa'me Na'su!

¹ ¡Avuja'faja, poi ande'su aindeccu! ¡Avuja'faja, poi anttepo'choni can'jensundeccu! ¡Na'su Chigaja ñoa'me Na'su tsu!

⁶ Sefaccoma camba tise tansintsse manda'chone in'jan'fa. Poi aindeccu tise ñotssiama atte'fa.

⁷ Ñoña'cho chigandeccuve in'jamba iñajansundeccu'qque tsama in'jamba ja'ño ansange'faya. Nane ñoña'chove in'jamba quinsepoemba afa'ma ja'ño ansange'faya. ¡Poiyi'cco chiga'candeqquia tsu ja'ño Na'su Chigave in'jamba iñajan'faya!

¹² Ñotssia aindeccuja, ¡Na'su Chigave in'jamba avujatssi'faja! ¡Tise ñotssia inisene avujatsse afa'faja!