Salmos 95 - Cofán: Chiga Tevaen'jen

Avujatsse Na'sunga settapoen'cho

⁶ ¡Ji'faja! Jinge puntssamba ccaru dyaipa iñajan'faye. Jinge tisenga ccaru dyaipa Na'su ingima agattoen'suma ñotsse afa'faye.

⁷ Na'suja ñoa'me ingi Chiga; ingija tise aindeccu. Nane ingija tise oveja'can'fasi tise ingima coira'je. Ja'ño tsu tisema pañaña'cho tise qquen susi:

⁸ “Tayopisundeccuja Meribani injama'choi'ccu se'pipa toya'caen tsequi a'tayi Masah a'i menia'qque pañañe se'pi'fa. Tsa'ma que'i injama'choi'ccu tsendeqquia'caen se'pi'fajama ñama ñoa'me pañañe.

⁹ Nane que'i tayopi'su coenzandeccuja ña ñotsse tson'choma atte'ma ñama noñangian'fa.

¹⁰ Tsa'cansi cuarenta canqque'fave gi tsendeccuma iyicca'yepa qquen su: ‘¡Va aindeccuja ña manda'choma pañambipa tise'pa in'janqquia'caen injanga canse'fa!’

¹¹ Tsa'cansi gi iyicca'yepa qquen tansintsse su: ‘Tsendeccuja ñai'ccu ca'ni'faya'bi tsu tsangae opatsse canseye.’ ”