Salmos 94 - Cofán: Chiga Tevaen'jen

Na'suja poi ande'suma ñoquian'su

¹ Na'su, que qui poini iyicco'su Chiga. ¡Tsama canjaenjan!

² Queja poi ande'suma ñoquian'su. ¡Jangipa osha'choma ñoñamba quinsepoeñe in'jan'chondeccuma quinsepoenjan!

³ Na'su, ¿mi'nge'e tsu tsa egae tsinconsundeccuja avujatssi'faya?

⁸ ¡Sumbindeccu, ñotsse pañamba in'jan'faja! ¿Minga'ni qui in'jan'faya?

⁹ Na'su Chigaja que'i tsosinama agattoen pañañe. ¿Tise'ta ti que'ima pañambi? Tiseja que'i tso'fema agattoen atteye. ¿Tise'ta ti que'ima attembi?

¹⁰ Tiseja poi ande'suma ñoquian'su poi aindeccuma tansiañe. ¿Tise'ta ti que'imajan tansiaña'bi? Tiseja poi aindeccuma atesian'su. ¿Tise'ta ti atesumbi?

¹¹ Nane Na'suta tsu pa'ccoma atesucho, a'i injamambia'caen in'jan'choma.