Salmos 68 - Cofán: Chiga Tevaen'jen

Chiga Israelma fuitesi ccusha'cho

¹ Chiga jangipa tson'jensi tisema iyiccayesundeccuja buttoccoin ja'faya. Tisema chi'gasundeccu'qque tise'ye ccuyain ja'faya.

¹⁷ Quin'an na'su ñoa'me tsain'bio gera caroi'ccu jacanqquia'caen Chigaja Sinaí ccotta'cco'ye sombopa tise aindeccui'ccu cachuicco'je'ttinga jipa ca'ni.

¹⁸ Queja Chiga, tsain'bio piccoye'chondeccuma ccushaemba sefacconi ansundepa tsendeccuma'qque ansundian. A'i patsuyepa afe'choma qui isu. Nane tayoe pañambindeqquia'qque tsu quenga afe'faya, Na'su.

¹⁹ Ñotssi tsu Na'su, ingi Chiga, ingima ccushaen'su. Nane poi a'ta tsu ingi andu'choma angaqquia'caen ingima fuite'je.

²⁰ Ingi Chigaja ccushaeñe atesupa pa'cho'ye'qque ingima ccushaeñe osha.