Salmos 45 - Cofán: Chiga Tevaen'jen

Na'su pushesi settapoen'cho

¹ Ñocca'tssia aya'fa ña injama'cho'ye jangisi ña menzanza'fa'qque injama'pa tevaen'su tevaenqquia'caen afasi gi ¡ña in'jan'choma Na'sunga afaya!

² Queja poi tsandiendeccuma ti'tsse ñocca'tssia. Osha'cho ñotssiayi tsu que aya'fa'ye sombo'je. Tsa'cansi Na'su Chigaja tsangae quema ñotsse in'jamba tson'jen.

⁶ ¡Que qui Chiga! Tsangae joccapitssia Na'suve dapa qui manda'je. Quiníccopave dapa qui ñotsse tansintsse manda'je.

⁷ Ñotssiaveyi in'jamba qui egama chi'ga. Tsa'cansi Chiga Quitsa, que Chigaja, quema aseitei'ccu fetipa na'suve ccutsiansi qui queja poiyi'cco nasundeccuma ti'tsse avujatssi.