Salmos 44 - Cofán: Chiga Tevaen'jen

Fuite'suve Chigama iñajan'cho

¹ Chiga Quitsa, tayopi ingi yayandeccu cansuite que ma'caen tsonjen'choma tsendeccu condasesi gi ingi tsosinai'ccu paña'fa.

² Nane que tivei'ccu qui queve in'jambindeqquiama joqquitssiamba ingi yayandeccuma tise'pa andenga ca'nia. In'jambindeqquiama sefaemba qui ingi yayandeccuma atapoen.

³ Ingi yayandeccuja tise'pa tive ni tise'pa sundaro matichi'ccu tsa andema gana'fambi. Tsa'ma que qui tisu quin'ama canjaemba que tivei'ccu patsu. Queja ingi yayandeccuma ñotsse in'jamba tisuma a'tatsse canjaemba ccushaen cuintsu patsu'faye.

²⁰ Chiga Quitsa, ingi quema aqque'papa catipa faesu chiga'can'me iñajan'choecan'da qui tayo

²¹ queja tsama'qque atesuye'can. Nane queja ingi injama'cho tsosipie in'jan'choma'qque atesucho.

²² Tsa'ma ingi queve in'jansi cca'indeccu pa'cco a'ta ingima fi'ttiye ttatta'je'fa. Nane ovejama'caen aqquia injanga fi'ttiqque'su qquen tsu in'jan'fa.

²³ Na'su ¿jongoesie qui ana'jen? ¡Qquendyaja! ¡Qquendyaja! ¡Tsangae ingima catijama!

²⁴ ¿Jongoesie qui que camba'juma a'tuqquia'caen ingi vana'jemba ñombi'ye'choma aqque'pa?

²⁵ Ñoa'me ansangepa gi ande'su ccuttopa'singa ccuipa andenga mangu'je'fa.

²⁶ Tsa'cansi, Na'su, ¡jangipa ingima fuiteja! ¡Ingima ñoa'me in'jamba ccushaenjan!