Salmos 41 - Cofán: Chiga Tevaen'jen

Paji'su iñajan'cho

⁵ Ñama iyiccayesundeccuja ñama chi'gapa su'fa: “¿Minga'ni tsu paya cuintsu tise inisema aqque'pa'faye?”

⁶ Nane ñani can'su jipa afopoemba injama'choni osha'cho egama in'jamba tsotefanga japa poiyi'cconga a'tatsse conda'fa.

⁷ Ñama chi'gasundeccu bopa ñane condasecco'fa: “Egae tsincomba vana'jen” qquen in'jamba su'fa:

⁸ “Cocoya tisema indisi pajipa tsu ñoa'me paya. Ccatsse jangi'jeya'bi tise ana'jen'cho'ye.”

⁹ Ñoa'me ña in'jan'cho, ñai'ccu fae'ngae an'su, tsu ñama chi'gapa afeya.

¹⁰ Tsa'ma que, Na'su, ñama pañamba men'deyeja. Ñama qquendyaenjan ña tsendeccune afepoeñe.