Salmos 24 - Cofán: Chiga Tevaen'jen

Osha'cho ñotssiane Na'su

¹ Pa'cco ande tsu Na'su Chigambe. Osha'cho tseni jincho'cho'qque tsu tise'be. Toya'caen poiyi'cco tseni can'jensundeccu tise'be tsu.

² Nane Na'suja mar'ye andeve agattoemba na'en'ñe tsave ñoña.

³ ¿Majan tsu Na'su ccotta'cconga ansundeye osha? ¿Majan tsu tise ñotssia tsaoni can'jeñe osha?

⁴ Nane majan tive giyatssiqquia'caen an'biamba tise injama'choma egae tsincon'cho metsse an'bian'cho tsu tsanga jaye osha. Toya'caen majan ñoña'cho chigandeccunga iñajambe cansepa tansintsse su'cho qquen afopoembitsse canse'cho tsu tsangae jaye osha.

⁵ Na'su, tise Chiga, tisema ccushaen'su tsu tsa a'inga tansintsse in'jamba ñotsse tson'jeña.

⁶ Nane tsa'can tsu Na'suma ttatta'suja. Tsa'can tsu majan Jacob Chigave in'jamba ttattasundeccu.