Salmos 118 - Cofán: Chiga Tevaen'jen

Na'suja ingima tsangae in'jan'cho

¹ Na'suja ñotssiasi tisema ñotsse afa'faja. Na'suja tsangae ingima in'jansi tisema ñotsse afa'faja.

² Israendeccu, qquen su'faja: “¡Na'su, ingima in'jan'choja, tsangae tsu jinchoya!”

³ Chigama afasundeccu, qquen su'faja: “¡Na'su, ingima in'jan'choja, tsangae tsu jinchoya!”

⁴ Na'suve in'jamba pañasundeccu, qquen su'faja: “¡Na'su, ingima in'jan'choja, tsangae tsu jinchoya!”

⁵ Ñombi'yepa gi Na'suma afasi tiseja ñama pañamba fettaqquia'caen ccushaen.

⁶ Na'su ñai'ccu can'jensi gi dyombi'tsse canseya. ¿Ma'caen tsu a'ija ñama dañoña?

⁷ Na'suja ñai'ccu can'jemba ñama fuite'su tsu. Fuitesi gi ñama chi'gasundeccuma patsuya.

⁸ Na'suve in'jamba pañañe tsu a'ive in'jan'choma bove ñotssi.

⁹ Nane Na'suve in'jamba pañañe tsu a'i nasundeccuve in'jan'choma bove ñotssi.

¹⁹ ¡Chiga etti'su sombo'ttima fettaja! Fettasi gi ca'nimba Na'su ñanga ñotsse tson'chone tisema ñotsse afaya.

²⁰ Na'sunga catseya'cho sombo'tti tsu. Tsa sombo'tti'ye tsu Na'suve in'jan'chondeccuja ca'ni'faya.

²¹ Na'su, que pañamba ñanga ñotsse tsonsi gi quema ñotsse afa'je. Que ñama ccushaensi gi tsa'caen ñotsse afa'je.

²² Tsaoñasundeccu in'jambipa joqquitssian'fa'cho patu tsu ñoa'me ti'tsse joccapitssia patuve da.

²³ Tsa'caen tsu Na'suja tson. Ingija attepa can'boemba “Ñotssi tsu” qquen asi'ttaen'fa.

²⁴ Ja'ño tsu Na'su in'jan'cho fiesta a'ta. ¡Jinge injama'choni avujatssipa Na'sunga avujatsse afa'faye!

²⁵ Chigáne, Na'su, ¡Ingima ccushaenjan! Chigáne, Na'su, ¡Ingima fuiteja ñotsse canseye!

²⁶ ¡Ñoa'me ñotssi tsu Na'su Chiga moesi ji'cho! Chiga ettini can'jemba gi que'ima'qque ñotsse afa'je'fa.

²⁸ Na'su, queja ña Chigasi gi queja ti'tsse'tssia qquen ñotsse afaya. Que ñama ñotsse tson'jensi gi quema avujatsse afa'jeya.

²⁹ Nane Na'su ñotssisi tisema avujatsse afa'faja. Anttembe'yi tsangae ingima ñotsse in'jansi tisema avujatsse afa'faja.