Salmos 112 - Cofán: Chiga Tevaen'jen

Chigave in'jan'cho a'i afa'cho

¹ ¡Ñotssi tsu Na'su Chigaja! ¡Avujatssi tsu tsa a'i, majan Na'suve in'jamba tise manda'choma pañamba tson'su!

⁷ Ega'ma paña'an'qque dyombi'tsse tsu can'jen. Nane tise injama'cho ta'etssisi Na'sunga osha'choma antte.

⁸ Injama'cho ta'etssisi dyombi'tsse can'jemba jai'ngae tisema iyiccayesundeccuma camba feñaña.

⁹ Va'chandeccunga corifin'dima aqquia afepa tsangae tsa'caen ñotsse tsomba canse. Poiyi'cco ño'andeccu tsu tisene ñotsse afa'faya.

¹⁰ Tsa'ma egae tsinconsundeccuja tsama attepa iyicca'ye'fa. Oshambipa ttun'dundu'je'e iyicca'yepa sefa'faya. Nane tise'pa injama'cho in'jan'cho'qque pasaya.