Salmos 109 - Cofán: Chiga Tevaen'jen

Joccapitssia Na'sunga iñajaña'cho

¹ Chiga Quitsa, ña iñajansi ziyajama.

² Cca'indeccuja egae in'jamba afopoemba ñama egae afa'fa. Tise'pa ñane su'choja ñoa'me afopoen'cho tsu.

³ Shoquendiqquia'caen aya'fa egae su'choi'ccu ñama ttu'fa. ¡In'jambe'yi injanga ñai'ccu iyicco'fa!

⁴ Tise'pama ñotsse tsonsi ccane'qque ñama egae tson'fa. Tsa'ma toya gi tise'pane ñotssiave Chigama iñajan'jen.

⁵ Ñotssiama afesi egama afepoenqquia'caen ña tise'pama ñotsse in'jansi ñama chi'ga'fa.

⁶ ¡Tise ñoquian'suve faesu egae tsincon'suma ccutsianjan! ¡Antteja cuintsu tisema afaye fuite'su'qque tisene ñotsse afambipa tise injama'choma somboeñe!

⁷ Nane ñoquian'sunga ccutsusi antteja cuintsu tise egama atte'faye. Antteja cuintsu tise tansiaña'chove iñajan'cho'qque tisenga ti'tsse dañoñe.

⁸ ¡Antteja cuintsu tise junde pasi faesu tise semambanga ca'niñe!

²¹ Tsa'ma queja, Na'su, que inisema ñotsse canjaemba ñama ñotsse tsonjan. ¡Que ñotsse in'jan'choi'ccu ñama ñotsse in'jamba ccushaenjan!

²² Ñajan va'chapa noñangiañemba vana'jen'cho. Ña injama'cho'qque dañongeqquia'caen oshambi.

²³ Coeje'su aya bia'ave dapa sefaqquia'caen gi nepiji. Ttombu fingianga fingian catiyeqquia'caen gi catiyeji.

²⁴ Ambe'yi can'jemba cuñosie dapa quin'su me'chopa gi ccutsuye oshambi.

²⁵ Ñama iyiccayesundeccuja ñama afasepa feña'jen'fa. Ñama attepa tise'pa tsovema fenono'fa.

²⁶ ¡Na'su ña Chiga, ñama fuiteja! ¡Ñama ñotsse in'jamba ccushaenjan,

²⁷ cuintsu poiyi'cco que tsa'caen tson'choma attepa que fuitepa ñama ccushaen'chove in'jan'faye!