Salmos 102 - Cofán: Chiga Tevaen'jen

Vana'su Chigama iñajan'cho

¹ Na'su, ña iñajan'choma pañajan. ¡Antteja cuintsu ña fundo'cho quenga nepisi pañañe!

² Ña ñombi'yepa vana'jen'ni que camba'juma a'tujama. ¡Chigáne que tsosinai'ccu ñama pañajan! ¡Ña quenga afa'ninda, junde ñama pañamba afaja!

³ Nane onfen'ba já sefaqquia'caen ña paye tson'jen. Ña tsu'tta ju'ruqquia'caen gevaen'jen paye tson'jemba.

²³ Toya coenzambite Na'suja ña quin'suma itsa. Utungayi tsu ña canse'choma nania.

²⁴ Tsa'cansi gi tisema su: “Ña Chiga, toya ña canseya'cho enttingeni ña canse'ni ñama angajama.” ¡Queja tsangae canse!

²⁵ Me'ttia'ye queja andema agattoemba sefaccoma'qque attajaen.

²⁶ Osha'cho tsaja sefaqque'su tsu. Tsa'ma queja tsangae can'jeña. Osha'cho tsaja sarupa'caen tssoruve dapa congoña. Nane ondiccu'jema cambianqquia'caen queja tsama ccaningae tsonsi tsu tsa'caen ccaningae daya.

²⁷ Tsa'ma queja cambian'masia. Minguite'qque qui paya'bi.

²⁸ Quema shondo'su omba'su dutssiyendeccuma qui ñotsse coirapa an'bian. Nane quei'ccu can'jemba tsu tsendeccuja amppi'faya'bi.