Proverbios 26 - Cofán: Chiga Tevaen'jen

¹ Coejefani chandisu'cco amppiqquia'caen toya'caen tai'je'ni unjin tuiqquia'caen tsu injamámbine ñotsse afa'cho.

² Chhiriria qque'cho, ppuppuju'cho tsao'pa me'choa injanga iyu'ña'qquia'caen tsu faesuma injanga afase'choja barembi.

³ Cavayoma ma'ppiya'cho cuintsu opatssiye. Boro aya'fama tandamba tsa'ye asittaeña'cho. Toya'caen sumbima ochha'chhapa atesiaña'cho.

⁴ Majan sumbima pañamba afambi'ta tsu sumbive daya'bi.

⁵ Tsa'ma majan sumbima pañamba afa'ta tsu tise'qque sumbia'caen attiaña.

⁶ Tisu tsu'ttema chattu catiqquia'can tsu sumbinga condaseya'choma moeñe cuintsu faesunga condasi ñotsse pañañe. Ñoa'me vanaña'cho tsu.

⁷ Ccareshe biani jaye oshambiqquia'caen injama'pa afa'choma sumbinga afasi biane paña'faya'bi.

⁸ Patuma botacho'fanga tandanqquia'can tsu sumbine ñotssia aya'fai'ccu afa'cho.

⁹ Ccusi'su tise tiveni eje'cho nojanma in'jambiqquia'caen sumbija ñotsse su'choma paña'ma in'jambi.

¹⁰ Battittian'su osha'choma injanga battittianqquia'caen tsu tsa'o manda'suja, majan sumbinga afepoen cuintsu semañe.

¹¹ Ainjan a'jupa toeveyi aña. Sumbi'qque in'jangae tsomba toeveyi ccase tsoña.

¹² Sumbija mapán ñotsse tson'jembi'a'qque toya tsu injama'pa qquen in'jan'choma ti'tsse ñotssi.