Proverbios 25 - Cofán: Chiga Tevaen'jen

Iyicco'sui'ccu tsoña'cho

²¹ Quema iyiccaye'su qquipoe'suninda tisema o'fiaña'cho. Tise tsaqquie'suninda tisema cui'ñaña'cho.

²² Nane tsa'caen tson'da qui si'ngema afeqquia'caen ñotsse tsomba tisema ansangiaña. Tsa'caen tsonsi tsu Na'suja quema ñotsse tsoña.

²³ Chan'ditssia ande'su fingian unjima iqquia'caen tsu itoyetsse afa'su'qque faesuma iyicca'yaña.

²⁴ Pushesu ayafanasi'ccu rande tsaoni can'jen'choma bove ñotssi tsu tsao'cco omba'su chipiri cuartoni can'jeñe.

²⁵ Biani'su ande'su ñotsse condase'choma pañañe tsu quimbipa tsa'ccu chan'ditssia'ma cu'isi ñotsse daqquia'can.

²⁶ Tsa'ma ño'an a'i egae tsincon'sunga patsuye'nijan tsa'ccu sombo'je'tti amunde'e daqquia'can tsu.

²⁷ Tuño cuñajun'choma panshaen ansi ttopa tsu iñeña. Tsa'caen panshaen tisune ñotsse afaye'qque ñotssimbi tsu.

²⁸ Majan a'i tisu injan'choma an'biañe oshambi'ta tsu canqque ttu'cho me'choa tisuma ccushaeñe oshambiqquia'caen jincho.