Oseas 2 - Cofán: Chiga Tevaen'jen

Na'su Chiga ñotsse in'jan'cho

¹⁶ “Tse'i qui que'i israendeccuja ‘Ñama manda'su’ qquen ti'tsse ñama afambipa ‘Ña tsa'ndu’ ñama afa'faya. Ña, Na'su gi que'inga conda.

¹⁷ Que'i aya'fai'ccu Baal nasundeccu qquen afa'je'choma gi itsaya. Itsasi ccatsse qui tsa inisema afa'faya'bi.

¹⁸ Tsequi a'ta gi tsampini jacanqque'sui'ccu injancco'faya'chove tsoña cuintsu antte'faye israendeccu tise'pai'ccu opatsse canse'faye. Nane sefani jacanqque'su, andeni manguqque'sui'ccu tsa'caen injancco'faya'chove gi tsoña. Toya'caen gi sundaro battittianccu, matichima'qque itsapa gerama se'piya cuintsu israendeccu ppimppintsse ana'jen'faye.

¹⁹ Israel, que qui tsangae ña pusheve daya. Nane injama'choi'ccu ñoa'me in'jamba gi manda'cho mandaqquia'caen quema pusheya.

²⁰ Queja ña pushesi gi tsangae quema an'biaña. An'biansi qui ñama que Na'su qquen injan'jeña.

²¹ Ña, Na'su gi que'inga conda'je: Tsequi a'ta gi sefaccoma pañaqquia'caen antteya tsambe in'jan'chove tsoña. Sefacco'qque unjima andenga tuiñaña.

²² Toya'caen ande sho'yaensi tsu trigo, vino, yayapa'qque tsai'bitsse atapaya. Tsonsi Jezreelja ‘Ñoa'me Chiga jon'chove’ daya.

²³ Tisumbeveyi jonqquia'caen gi ña aindeccuma tise'pa andeni an'biaña. Nane Lo-ruhamama, Lo-amima'qque injama'choi'ccu ñotsse in'jamba gi suya: ‘Que'i israendeccuja ña aindeccu qui.’ Ccane'qque tsu su'faya: ‘¡Queja ingi Chiga qui!’ ”