Números 25 - Cofán: Chiga Tevaen'jen

Baal-peorma iñajan'cho

¹ Israendeccuja Sitimni can'jemba majan tsandiendeccuja Moab'su pushesundeccui'ccu egae tsincoñe ashaen'fa.

² Nane tsendeccu tsu ttu'se'fa cuintsu israendeccu'qque tise'pa chiganga afe'jeni ja'je'faye. Ttu'sesi japa israendeccu'qque tise'pa chiganga afe'cho'su aña'choma amba Moab'su chigama iñajan'fa.

³ Tsa'caen tsomba tsu poiyi'cco israendeccu Baal-peor chigama iñajañe ashaen'fa. Tsa'caen tson'jen'fasi Na'su Chigaja israendeccuma ñoa'me iyicca'yepa

⁴ Moisésnga qquen su: —Poiyi'cco va aindeccu nasundeccuma boñamba fi'ttipa ñoa'me a'tatsse canjaen'faja ña caña'jen'ni. Attepa gi ña tise'pama iyicca'ye'choma ñoquiya.

⁵ Tsama pañamba Moisésja israe'su ñoquiansundeccuma qquen manda: —Poiyi'cco que'i tisu aindeccu majan Baal-peor chigama iñajansundeccuma fi'tti'faja.

⁸ Tsa'caen tsonsi tsu israendeccuma fi'tti'je'cho paqque'suja pasa.

⁹ Tsa'ma tayo tsu veinte y cuatro mil israendeccu'su pa'fa.

¹⁶ Toya'caen Na'su Chigaja Moisésnga qquen su:

¹⁷ —¡Madianitandeccuma geraemba sefaen'faja!

¹⁸ Nane tise'pa que'ima chi'gapa Baal-peor chigai'ccu que'ima qqueñaqquia'caen tsu tise'pama'qque qqueñamba sefaeña'cho.