Números 10 - Cofán: Chiga Tevaen'jen

Israendeccu Sinaíne sombo'fa'cho

¹¹ Segundo canqque'fa'ye, segundo ccovu, toya'caen a'ta veinte, tsa Chigai'ccu cachuicco'je'tti'su carpa ombani can'jen'cho unjimbaja jangi.

¹² Jangisi israendeccuja ñoñamba Sinaí a'i menia'ñe sombopa ja'fa. Unjimbaja Parán a'i menia japa ccutsu.

¹⁷ Nane ñoñamba Chigai'ccu cachuicco'je'tti'su carpama andiansi tsama angaye mandaye'chondeccu, tsa Gersón dutssiyendeccu, toya'caen Merari dutssiyendeccu tsama opipa anga'fa.

³³ Tsa'caen Na'su Chiga ccotta'cco'ye sombopa poi israendeccu tres a'tave fae'ngae tsuipa jayi'fa. Jayi'fasi Na'su Chiga a'i'ccu injancco'fa'cho cafonjan tise'pama o'tie ja tise'pa mani ño'faya'chove tta'ttaye.

³⁴ Toya'caen poi a'ta tise'pa jaye sombo'fa'ninda tsu Na'su Chiga unjimbaja tise'pambe omba'ye jayi.