Miqueas 5 - Cofán: Chiga Tevaen'jen

Moe'cho na'su jiya'cho

² “Tsa'ma que Judá ande'su Belén Efrata canqque, mapán faesu Judá'su canqquema bove'cconi'qque, que'ye tsu ande na'suja somboya Ña a'i israendeccuma mandaye. Tiseja me'ttia'ye can'jemba tsu tayopi'su aindeccu'su.

³ Ja'ño Na'suja tise aindeccuma re'riccone catiya, maqui suri aiye'jepa isuya'ngae. Nane tsequi a'ta tsu poiyi'cco tise antiandeccu, ccani japa can'jen'chondeccu, jipa poiyi'cco israendeccui'ccu bo'faya.

⁴ Bo'fasi tsu ovejama coira'su ovejama coiraqquia'caen na'suja ccutsupa tise aindeccuma coiraya. Nane Na'su Chiga tisema quiñaesi tsambe ñotssiama canjaemba mandasi tsu poiyi'cco opatsse canse'faya. Tsa'cansi tsu poi biani'su andene'qque ‘Na'su Chigaja joccapitssia’

⁵ qquen in'jamba opatsse canse'faya.”