Miqueas 1 - Cofán: Chiga Tevaen'jen

Chiga Samariama vanaeña'cho

¹ Jotam, Acaz toya'caen Ezequías Judá andema manda'je'ni tsu Na'su Chigaja Moroset canqque'su Miqueasma in'jaen. In'jaemba tsu Samaria toya'caen Jerusaléne tisema conda.

⁵ Jacob pañambipa egae tsinconsi Israel nasundeccu'qque egae tsinconsi Chigaja vanaeña'chove afa. ¿Mani tsu Jacob pañambipa egae tsincon? ¡Samaria canqqueni! ¿Mani tsu Jacobmbe chigambi'choanga iñajan'jen'tti? ¡Jerusaléni tsu ccutsu!

⁶ Tsa'cansi tsu Na'suja qquen su: “Samaria canqquenga gi catifo'cho boñame tsoña. Nane nasipaeña'cho andeve gi tsoña o'fa tsajama joñe. Pa'cco canqque'su patuma gi sinjunccuni shequian catiya. Canqque'su andema'qque gi chutsse tsoña.

⁷ Tise'pa ñoña'cho chiga'candeqquiama gi jimbitsse vuvian catiya. Toya'caen tise'pa iñajanqque'su quini'ccoma'qque osuiamba tsanga afe'choma'qque oque catiya. Nane tsanga afe'choja tisu ai'voi'ccu gana'su pushesu ganamba afe'chopa ccase tsendeccunga afepoen'chove daya.”