Malaquías 1 - Cofán: Chiga Tevaen'jen

Chiga Israelma in'jan'cho

¹ Na'su Chiga tise Aya'fama afa'su Malaquíasma afafaemba qquen Israel aindeccuma condaye manda:

² Na'su Chigaja su: “Ñajan que'ima ñotsse in'jan.” Tsa'ma que'ija qquen iñajampaña'fa: “¿Ma'caen gi atesu'faya que ingima in'jan'chove?” Qquen iñajampaña'fasi Na'suja su: “Esaúja Jacob quindya fae'ngae isu'cho tsu. Tsa'ma ñajan Jacobma in'jamba gi

³ Esaúma chi'ga. Chi'gapa gi tise ccotta'cco'su andema'qque a'i meniame tson. Nane tise an'bian'cho andeni tsu tsampi'su injansu jacan'fa.”

⁴ Esaú omba'su dushundeccu, tsa edomitandeccu, “Ingima sefaen'ni'qque ccase gi quin'an a'ive atapa'faya.” qquen su'fa'ninda Na'su Chiga tsu qquen suya: “Ccase atapa'fasi gi ccase tise'pama sefaeña. Nane poiyi'cco tsu tise'pa andema afa'faya ‘Ega aindeccu ande’ toya'caen ‘Na'su Chiga tsangae iyicca'ye'cho ande’.”

⁵ Que'ija tsama tisu tso'fei'ccu attepa qui su'faya: “¡Na'su Chigaja joccapitssia! ¡Nane Israelma in'jamba tsu poi andeni tisu in'janqquia'caen tson'jen!”