Levítico 19 - Cofán: Chiga Tevaen'jen

Ñotsse canseye manda'cho

¹¹ “Cca'najama. Afopoenjama ni tisupaporama afopoemba dañojama.

¹² “ ‘Chiga paña'jen'ni tansintsse afa'cho tsu’ qquen afopoenjama. Nane tsa'caen tson'da qui Na'su que Chigama afaseya. Ña gi Na'su.

¹⁷ “Que injama'choni tisu faenga'suma chi'gajama. “Tisupapora egae tsinconsi atte'ta tisema tansintsse condaja fuiteya'chove. Tsambi'ta que'qque qui tisia'caen shacapaya.

¹⁸ “Que faenga'su quema egae tson'ninda ccane'qque tisema egae tsonjama. Ni tise tsa'caen egae tson'ni'qque que injama'choni botsse tisema chi'gajama. Tsa'ma tisuma in'janqquia'caen que faenga'suma ñotsse in'janjan. Ña gi Na'su.

³¹ “Coragama iñajanjama pa'choi'ccu afaye ni cocoya condasi atesu'je'chove tta'tta'fajama atesuya'chove. Nane tsa'caen tson'da qui tisuma dañoña. Ña gi Na'su que'i Chiga.”