Jonás 2 - Cofán: Chiga Tevaen'jen

Jonás Chigama iñajan'cho

¹ Tsa'caen ccuivo an'mani ppipa tsu Jonásja Na'su tise Chigama iñajamba

² su: “Na'su, ña vana'jemba quema iñajansi qui ñama pañamba afa. Nane ñoa'me pa'cho quema afasi qui paña.

³ Ñoa'me marmbe tsosini qui ñama joqquitssian. Quin'fa'qque tsu ña'ñe panshan'jen. Toya'caen rande shave'pa que moe'cho'qque tsu ña'ñe panshan'jen.

⁴ Tse'i gi in'jan tisu que'ye joqquitssi'choma. Toya'caen ccatsse que in'jan'cho ettima atteya'bi qquen gi in'jan.

⁵ Ñoa'me tsa'ccumbe enttingeni gi can'jen. Toya'caen mar tsosi'sumbe enttingeni gi can'jen. Tsove'qque gi pa'cco marni'su shoshoviyi can'jen.

⁶ Nane marngae tsosi'su shaca'choni qui ñama andeccoen. Tayo gi in'jan quenga tsangae indiye'chove. Tsa'ma queja Na'su ña Chiga ña paya'cho'ye qui ñama ccushaen.

⁷ Ñoa'me paye tson'jen qquen in'jamba gi quema in'jan ña Na'su. Ña quema iñajan'choma qui que can'jene paña.

⁸ Ñoña'cho chigave in'jan'chondeccu tsu quema chi'ga'fa.

⁹ Tsa'ma ñajan chigatsuafepaenján qquen in'jamba gi quenga afe'choma afeya. Pa'cco ña quenga jai'ngae ñotsse tsoña'choma gi tsoña. ¡Na'su, jo'su queyi qui ccushaeñe osha!”

¹⁰ Tsonsi Na'su Chigaja tsa rande ccuivoaca'ma in'jaen cuintsu Jonásma san'anga a'juye.